އެމްއެމްޕީއާރްސީގެ ޚިޔާނާތުގެ ލިސްޓު ހާމަކުރަން ގޮވުން ޒިންމާދާރެއް ނޫން: ހަސަން ލަތީފު
މޯލްޑިވްސް މާކެޓިންގެ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) ގެ ބޮޑު ޚިޔާނާތުގައި ބައިވެރިވި ކަމުގެ ތުހުމަތު ކުރެވޭ މީހުންގެ ލިސްޓު އާންމުކުރުމަށް ގޮވައިލުމަކީ ޒިންމާދާރު ގޮތެއް ނޫންނަކަމަށް އެމްޑީޕީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ވިދާޅުވެ، ކަންބޮޑުވުން ފާޅުކުރައްވައިފިއެވެ.
އެސެޓް ރިކަވަރީ ކޮމިޝަނުން ވަނީ ބޮޑު ހިޔާނާތުގެ ތުހުމަތުވާ 281 މީހެއްގެ ނަމާއެކު ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ އާއި ޖުޑީޝަރީ ކޮމިޓީ ގުޅިގެން އުފައްދާފައިވާ ޖޮއިންޓް ކޮމިޝަނަށް ލިސްޓެއް ހިއްސާކޮށްފައެވެ. ނަމަވެސް އެ މައުލޫމާތުގެ ސިއްރުކަން ހިފެހެއްޓޭނެ ގޮތަކަށް އެ ކޮމިޓީގެ މަސައްކަތްތައް ސިއްރުން ކުރިއަށް ގެންދަން ވަނީ ނިންމައިފައެވެ.
ނަމަވެސް އެ ލިސްޓު އާންމު ކުރުމަށް އާންމު ރައްޔިތުންނާއި މަޖިލިހުގެ ބައެއް މެމްބަރުން ވެސް ވަނީ ގޮވައިލައިފައެވެ. އޭގެތެރޭގައި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވެސް ހިމެނިވަޑައިގަންނަވައެވެ.
މިއަދު ކުރިއަށް ދިޔަ ޖޮއިންޓް ކޮމިޓީގައި، ކޮމިޓީގެ މުގައްރިރު، އަދި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވަނީ އެސެޓް ރިކަވަރީ ކޮމިޝަނުން ފޮނުވި އެ ލިސްޓު، ކޮމިޓީއާ ހިއްސާ ކޮށްފައެވެ. ކޮމިޓީ ސިއްރު ކޮށްފައި ވަނީ އެ ލިސްޓު އާންމު ކުރި ފަހުންނެވެ.
ެއންމެން ވެސް ވެރިކަމަށް އާދެވުމުން ގުންބޯ ގުންބޫ……. ހަހަހަހަ
ހާމަ ކޮސްފިއްޔާ އަންނިއާއި ސްލޯލިޙްވެސް ބޭޒާރުވާނެ.