އިހުސާން ފިހާރައިން ވައްކަން ކުރި މީހަކު ހޯދަނީ
މާފަންނު އިހުސާން ފިހާރައިން ވައްކަން ކުރި މައްސަލައަކާ ގުޅިގެން މީހަކު ހޯދަން ފުލުހުން އިއުލާނު ކޮށްފިއެވެ.
އެ ފިހާރައިގެ ވީޑިއޯ ފުޓޭޖު އާންމު ކުރައްވަމުން ފުލުހުން ވިދާޅުވީ ވީޑިއޯއިން ފެންނަ މީހަކީ 2021 މެއި 14 ވަނަ ދުވަހު 14:35 ހާއިރު މާފަންނު، މިރިޔާސްމަގުގައި ހުންނަ އިހުސާން ފިހާރައިން ދަބަހެއް ވަގަށް ނަގައިފައިވާ މައްސަލައާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ މީހެއް ކަމަށެވެ.
ވީމާ މީނާއާ ބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މި މައްސަލައިގެ އިންސިޑެންޓް ނަންބަރު ވިދާޅުވެ، ވީ އެންމެ އަވަހަށް އެ މައުލޫމާތު ހިއްސާ ކުރެއްވުމަށް ވެސް ފުލުހުން ވިދާޅުވިއެވެ.
މިމައްސަލައިގެ އިންސިޓެންޑް ނަންބަރަކީ 487001 އެވެ.
މިފަދަ މައްސަލަތަކުގައި ރައްޔިތުންގެ ފަރާތުން މީގެ ކުރިން ވެސް ފުލުހުން ވަނީ އެހީތެރިކަމަށް އެދިފައެވެ. އަދި ރައްޔިތުންގެ ފަރާތުން ދޭ އެއްބާރުލުން ފާހަގަ ކޮށް އެކަމަށް ޓަކައި ފުލުހުން ވަނީ ޝުކުރު އަދާ ކުރައްވައިފައެވެ.
