އެމްޑީޕީއަކީ އެ ޕާޓީ މީހުންގެ ފިކުރެއް، ބައިބައިކޮށެއް ނުލެވޭނެ: ޝިފާއު
އެމްޑީޕީއަކީ އެ ޕާޓީ މީހުންގެ ފިކުރެއް ކަމަށާއި އެމްޑީޕީ ބައިބައި ކޮށްލުމަކީ މިހާތަނަށް ވެސް އެއްވެސް ބަޔަކަށް ކާމިޔާބުވެފައިވާ ކަމެއް ނޫން ކަމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ މެމްބަރު މުހައްމަދު ޝިފާއު ވިދާޅުވެއްޖެއެވެ.
އެމްޑީޕީގެ މެމްބަރުންގެ މެދުގައި ހިޔާލު ތަފާތުވެ ޕާޓީގެ އެތެރޭގެ ހަމަނުޖެހުން ބޮޑުވެފައިވާ މި ދަނޑިވަޅުގައި ޕާޓީ ދެބައިވެފައިވާ ކަމަށް ޕާޓީގެ އާއްމު މެމްބަރުން ވެސް ބުނަމުންދާއިރު މެމްބަރު ޝިފާއު ވިދާޅުވީ އެމްޑީޕީ ބައިބައި ކޮށްލުމަށް އެކި ބޭފުޅުން މަސައްކަތް ކުރި ކަމަށާއި، އުޅެއުޅެ ވެސް އެކަން ނުވިކަމަށެވެ.
ރައީސް ނަޝީދަށް ދިން ޓެރަރިސްޓް ހަމަލާއަށް ފަހު ޕާޓީގެ އެތެރޭގެ ހަމަނުޖެހުންތައް ވަނީ ބޮޑުވެފައެވެ. މި ހަމަނުޖެހުންތަކުގެ އަޑުގަދަވެފައި މިވަނީ ރައްޔިތުންގެ މަޖިލީހުގެ އަލިފުށީ ދާއިރާގެ މެމްބަރު މުހައްމަދު ރަޝީދު ހުސައިން (ބިގޭ) ދެއްކެވި ވާހަކަފުޅަކާ ގުޅިގެން މިއަދު ރައީސް ނަޝީދު ބިގޭއަށް ރައްދު ދެއްވުމާއެކުއެވެ. މިއާ އެކު އެފާޓީގެ ބައެއް މެމްބަރުން ސަރުކާރާ އެއްކޮޅަށް އަޑު އުފުލަމުންދާ އިރު އަނެއް ބައި މެމްބަރުން ރައީސް ނަޝީދު ދިފާއުކުރައްވާ ދަނީ އަޑު އުފުލަމުންނެވެ.
އަދި އެޕާޓީ ދެބައިވެފައިވާކަމަށް ޕާޓީގެ ޗެއަރ ޕާސަން ހަސަން ލަތީފް ވެސް ވަނީ ވިދާޅުވެފައެވެ. މިގޮތުން ޕާޓީ ދެބައިވީ ވައުދުވީ ކަންކަން ކުރަން ސަރުކާރުން ބޭނުން ނުވުމުން ކަމަށް ހަސަން ލަތީފު ވިދާޅުވިއެވެ.
ދޮގު ނަހަދާ.ފުނޑޭތީ ދައްކާ ވާހަކަ.ފިކުރަކީ އަންނިގެ ޑެންމާކު ފިކުރު.އޭނާއާއެކީ އެއްތަށިން ހިއްޕަވާ ކުދިން ކޮޅެއްގެ ފިކުރު. ތިފިކުރު ތިއީ ފަކުރެއް.
# ޑެންމާކުގަ ދެއްކި ވާހަކައަށް ޖަވާބެއް ދޭން ނުކެރޭނެ.
އެމްޑީޕީވެސް ބައިބައިވާނެ