މަރައިލައިފައި އޮތް ކުއްޖާއަށް ޖިންސީ އަނިޔާކޮށްފައިވޭ، ފެނުނުއިރު ކުއްޖާ އޮތީ ވަރަށް ބޮޑަށް ކުނިވެފައި

މަރައިލައިފައި އޮއްވާ މިއަދު ފެނުނު 13 އަހަރުގެ ކުއްޖާއަށް ޖިންސީ ގޯނާކޮށްފައިވާކަން ހާމަވެއްޖެއެވެ.
ނަން ހާމަ ނުކުރުމަށް ޝަރުތުކޮށް މި ވާހަކަތައް އެނގޭ މީހަކު "ދެން"އަށް ކިޔައިދީފައިވާ ގޮތުގައި މަރައިލައިފައި އޮއްވާ ފެނުނު ކުއްޖާއަށް ވަނީ އެކިވަރުގެ ޖިންސީ އަނިޔާ ކޮށްފައެވެ. އަދި މި މައްސަލަ ފުރަތަމަ ފެށުނީ މި ކުއްޖާ އުޅޭ ގޭންގެއްގެ މީހަކު މިކުއްޖާ ރޭޕް ކުރުމުން އެ ވާހަކަ އެހެން މީހުން ގާތު ކިޔަން ފެށުމުން ކަމަށް ބުނެފައިވެއެވެ. އަދި މިގޮތަށް ކަންތައް ވުމުން އެ ދެމީހުން އެ ކުއްޖާ ވަކިން ތަނަކަށް ގެންގޮސް ސުވާލު ކުރި ކަަމަށް ވެސް ވެއެވެ.
ސުވާލު ކުރުމުގެ ތެރޭގައި ކުއްޖާއަށް އެކި އަނިޔާތައް ކޮށްފައިވެއެވެ. މިފަދައިން ކަންތައްކޮށްފައި ވަނީ މަސްތުގެ ހާލުގައި ތިބި ބައެއް ކަމަށް މަޢުލޫމާތު ލިބެއެވެ. ކުއްޖާއަށް ދެމުން ދިޔަ އަނިޔާތަކަށް ކެތްނުވެގެން އެވަގުތު ކުއްޖާ ހޭނެތުނު ކަމަށް ވެސް މައުލޫމާތު ދިން ފަރާތުން ބުނެފައިވެއެވެ.
މި ކުއްޖާގެ ހަށިގަނޑު ފެނިފައި ވަނީ ހުޅުމާލޭ ފޭސް ދޭއްގައި މޫދުގައި ފޮއްޓަކަށް ލައިފައި އޮއްވައެވެ. މިކުއްޖާގެ ހަށިގަނޑު ފުލުހުންނަށް ފެނިފައި ވަނީ ކުއްޖާ ހޯދަމުން ދިޔަތާ ދެވަނަ ދުވަހުއެވެ.
https://dhen.mv/98623
މިކުއްޖާއަށް އަނިޔާކޮށް މަރައިލި ދެ މީހުން ފިލުމަށް ހެންވޭރު ދުނބުރި މަގުގައި ހުންނަ އެކްސްޓްރާ ހެވަން ކިޔާ ގެސްޓް ހައުސްއަކަށް ވަނީ ގޮސްފައެވެ. ކުއްޖާއަށް އަނިޔާ ކުރުމަށް ފަހު އެ މީހުން ފިލުމަށް ގެސްޓް ހައުސްއަށް ގޮސްފައި ވަނީ އާދީއްތަ ދުވަހުއެވެ. ފުލުހުން މިމީހުން ހައްޔަރުކޮށްފައި ވަނީ ރޭ އިރާކޮޅުއެވެ. ހައްޔަރުކޮށްފައި ވަނީ އުމުރުން 17 އަހަރުގެ މީހަކާއި 27 އަހަރުގެ މީހެކެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.