Tuesday, 17 November 2026
Advertisement
HDC — Share-Below (leaderboard)
ޚަބަރު

13 އަހަރުގެ ކުއްޖާގެ މަރު: ކުއްޖާ އުފުލިކަމަށް ބުނާ ކާރެއް ފުލުހުން ބަލައި ފާސްކޮށްފި

13 އަހަރުގެ ކުއްޖާގެ މަރު: ކުއްޖާ އުފުލިކަމަށް ބުނާ ކާރެއް ފުލުހުން ބަލައި ފާސްކޮށްފި

އުމުރުން 13 އަހަރުގެ ކުޑަ ފިރިހެން ކުއްޖާ މަރައިލި މައްސަލައިގައި، އެ ކުއްޖާ އުފުލިކަމަށް ބުނާ ކާރެއް ފުލުހުން ބަލައި ފާސްކޮށްފިކަމަށް މައުލޫމާތު ލިބިއްޖެއެވެ.

އެނގިފައިވާގޮތުގައި އެ ކުއްޖާގެ ހަށިގަނޑު ފޮއްޓަކަށްލައިގެން އުފުލިކަމަށް ތުހުމަތުކުރާ ކާރު ހޯދުމަށް ފަހު، އެ ކާރު މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.

މައުލޫމާތު ލިބިފައިވާ ގޮތުގައި އެ ކާރު ހޯދައިފައި ވަނީ ހުޅުމާލެއިންނެވެ. އަދި އެއީ ހުޅުމާލޭގައި އާންމުކޮށް ދުއްވާ ކާރެއް ކަމަށް ވެސް އެނގިފައިވެއެވެ.

Advertisement
Ooredoo — Truecaller (box)

މިކަމާ ގުޅޭގޮތުން "ދެން" އިން ސުވާލު ކުރުމުން ފުލުހުންގެ މީޑިއާ އޮފިޝަލަކު ވިދާޅުވީ، އެ މައްސަލައިގެ ތަހުގީގުގައި ކާރެއް ވަނީ ބަލައިފާސް ކޮށްފައި ކަމަށެވެ.

އުމުރުން 13 އަހަރުގެ އެ ކުއްޖާ ގެއްލިގެން އޭނާގެ އާއިލާއިން ރިޕޯޓު ކުރީ މިދިޔަ އާދީއްތަ ދުވަހުގައެވެ.

އޭނާ ހޯދަމުން ދަނިކޮށް ފެނުނީ، މިދިޔަ ހޯމަ ދުވަހުގެ ރޭ ދަންވަރު ހުޅުމާލޭ ދެވަނަ ފިޔަވަހީގައި، ފޮއްޓަކަށް ލައިފައި މޫދަށް އެއްލައިލައިފައި އޮއްވައެވެ.

އެ ކުއްޖާ މަރައިލި މައްސަލައިގައި ވަނީ އުމުރުން 27 އަހަރުގެ ފިރިހެނަކާ 17 އަހަރުގެ ފިރިހެން ކުއްޖަކު ހައްޔަރުކޮށްފައެވެ. އޭގެ ތެރެއިން 17 އަހަރުގެ ކުއްޖާ ޝަރީއަތް ނިމެންދެން ބަންދު ކުރަން ކްރިމިނަލް ކޯޓުން ހުކުމް ކުރިއިރު، 27 އަހަރުގެ މީހާ ޝަރީއަތް ނިމެންދެން ވަނީ ބަންދު ކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.