ރިޒާވަށް 900 މިލިއަން ޑޮލަރު އިތުރުވެއްޖެ
ދިވެހިރާއްޖޭގެ ރިޒާވަށް 900 މިލިއަން ޑޮލަރަށް ވުރެ ގިނަ ފައިސާ އިތުރުވެފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްްއެމްއޭ) ގެ ތަފާސް ހިސާބުތަކުން ދައްކައިފިއެވެ.
އެމްއެމްއޭގެ މަހު ތަފާސް ހިސާބުތަކުން ދައްކާ ގޮތުގައި މި އަހަރުގެ މެއި މަސް ނިމުނު އިރު ވެސް ރިޒާވްގެ ގޮތުގައި، 926.1 މިލިއަން ޑޮލަރު ވަނީ އިތުރުވެފައެވެ.
ނިމިދިޔަ 2020 ވަނަ އަހަރު ނިމުނު އިރު ގްރޮސް އިންޓަނޭޝަނަލް ރިޒާވްގައި 984.8 މިލިއަން ޑޮލަރު ހުރިއިރު، އެއީ 2019 ވަނަ އަހަރާ އަޅައިބަލާއިރު، 31 އިންސައްތަ އިތުރު ވުމެކެވެ. އެގޮތުން 2019 ވަނަ އަހަރު ނިމުނު އިރު ރިޒާވްގެ ގޮތުގައި، ޖުމުލަ 753.5 މިލިއަން ޑޮލަރު ހުއްޓެވެ. އެހެން ނަމަވެސް މި އަހަރުގެ ޖެނުއަަރީ މަހު ރިޒާވްގައި ހުރި އަދަދު ވަނީ 800 މިލިއަން ޑޮލަރަށް ދަށްވެފައެވެ.
މި އަހަރުގެ ޖެނުއަރީ މަހު ދައުލަތުގެ ރިޒާވްގައި 830.7 މިލިއަން ޑޮލަރު ހުރިއިރު، ފެބްރުއަރީ މަހު މި އަދަދު ވަނީ 855.7 މިލިއަން ޑޮލަރަށް އިތުރުވެފައެވެ. އަދި މާރިޗު މަހު މި އަދަދު ވަނީ 844.7 މިލިއަން ޑޮލަރަށް ދަށްވެފައެވެ. ރިޒާވްގެ އަދަދު އަނެއްކާ ވެސް އޭޕްރިލް މަހު އިތުރުވެފައި ވާއިރު، އެމްއެމްއޭގެ ތަފާސްހިސާބުތައް ދައްކާގޮތުން އޭޕްރިލް މަސް ނިމުނު އިރު ދައުލަތުގެ ރިޒާވްގައި 878 މިލިއަން ޑޮލަރު ހުއްޓެވެ.
މި އަހަރުގެ ފުރަތަަމަ ހަތަރު މަހު ދައުލަތުގެ ރިޒާވް 800 މިލިއަން ޑޮލަރުގައި ހުރުމަށް ފަހު މި އަހަރުގެ މެއި މަހު ދައުލަތުގެ ރިޒާވް ވަނީ 900 މިލިއަން ޑޮލަރަށް އިތުރުވެފައެވެ. މެއި މަހުގެ 926.1 މިލިއަން ޑޮލަރަކީ އޭޕްރިލް މަހު ރިޒާވްގައި ހުރި 878 މިލިއަން ޑޮލަރާއި އަޅައިބަލާއިރު 48.1 މިލިއަން ޑޮލަރުގެ އިތުރުވުމެކެވެ.
މިއަދުގެ އަރަތް.
ދައުލަތް ބަނގުރޫޓުވެ ސަރުކާރު ހިންްގޭނެފަދައެއް ދައުލަތުގެ ރިޒާވްގައި ނެތިގެން ދައުލަތުގެ ހުރިހާ ހަރުމުދަލެއް ވިއްކައގެން ކައި ހުސްކޮށްފި، 2 އަހަރުތެރޭގައި ދެފަހަރުމަތިން އައްބިލިޔަނަށްވުރެ ގިނަފައިސާ ޗާޕްކޮށްގެން ކައި ހުސްކޮށް އަދި އެވަރުންވެސް ނުވެގެން އެތައްމިލިއަން ޑޮލަރުގެ ނަގައިގެން އެހުރިހާ ޑޮލަރުތަކެއްވެސް ކައިިހުސްކޮށްފި. އެކަމަކު ގައުމުގެ ރިޒާވް ދަނީ ހެސްކިޔާފަ މައްޗަށް.
އަރަތުގެ ޖާވާބު؟…….