މިއަދު ރާއްޖެއިން ކޮވިޑް-19އަށް ފައްސިވީ 90 މީހުން

ރާއްޖެއިން މިއަދު އިތުރު 90 މީހުން ކޮވިޑަށް ފައްސި ވެއްޖެއެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 23 މީހުންނެވެ. އަދި އަތޮޅުތެރެއިން މި ބައްޔަށް ފައްސިވީ 58 މީހުންނެވެ. އަދި ހިންގަމުން އަންނަ ރިސޯޓުތަކުން މިއަދު ފައްސި ވެފައި ވަނީ 6 މީހުންނެވެ. މީގެއިތުރުން ކަނޑު އުޅަނދުފަހަރުން 3 މީހަކު މިއަދު މި ބައްޔަށް ފައްސިވެފައި ވެއެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 74،993 މީހުންނެވެ.

ބަލިން ފަސޭހަވެފައި ވަނީ 72،118 މީހުންނެވެ. ރާއްޖެއިން ކޮވިޑް-19 އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 21 މީހުންނަށެވެ. އަދި މި ބަލީގައި ރާއްޖެއިން މިހާތަނަށް 213 މީހުން ނިޔާވެފައި ވެއެވެ.