ޕާކިންއާ ގުޅިގެން ޖޫރިމަނާ ކުރަން ވާނީ ޕާކް ކުރާނެ ޖާގަ ފަހިކޮށްދިނުމަށް ފަހު: މޭޔަރު
މާލޭގައި ޕާކިންއާ ގުޅިގެން ޖޫރިމަނާ ކުރަން ވާނީ އެކަށީގެންވާ ވަރަށް ޕާކް ކުރާނެ ޖާގަ ފަހިކޮށްދިނުމަށް ފަހު ކަމަށް މާލެ ސިޓީގެ މޭޔަރު ޑރ. މުޙައްމަދު މުއިއްޒު ވިދާޅުވެއްޖެއެވެ.
ޑރ. މުއިއްޒު މިއަދު ކުރެއްވި ޓްވީޓެއްގައި ވިދާޅުވީ ޕާކިންގްއާ ގުޅިގެން ޖޫރިމަނާ ކުރެވެން ވާނީ އެކަށީގެންވާ ވަރަށް ޕާކް ކުރާނެ ޖާގަ ފަހިކޮށްދިނުމަށް ފަހު ކަމުގައި ދެކިލައްވާ ކަމަށެވެ.
"މާލެ ސިޓީ ކައުންސިލުން މާލޭގައި ޕާކިންއަށް ފަށައިފައިވާ މަސައްކަތުގައި ރައްޔިތުންގެ ހިޔާލާއި މަޝްވަރާއާ އެއްކޮށް ނަތީޖާ ނެރުމުގެ ފުރުސަތު ދެވެން ވާނެ ކަމުގައި ދެކެން" ޑރ. މުއިއްޒު ވިދާޅުވިއެވެ.
މާލެ ސިޓީގެ މޭޔަރު ވިދާޅުވީ ވެހިކަލް އެތެރެ ކުރެވޭވަރު ކޮންޓްރޯލު ކުރުމަށް ޓަކައި ބޭނުންވާ މައުލޫމާތުތައް ފޮނުވައި ދިނުމަށް ޓްރާންސްޕޯޓު މިނިސްޓްރީގައި އެދިފައިވާނެ ކަމަށެވެ.
އެ މައުލޫމާތުތައް ލިބުނުހާ އަވަހަކަށް މާލެ ސިޓީއަށް ވެހިކަލް އެތެރެ ކުރެވޭނެ ވަރާއި ވެހިކަލްތަކުގެ އުމުރު ކަނޑައެޅޭނެ ކަމަށް ވެސް ޑރ. މުއިއްޒު ވިދާޅުވިއެވެ.
މުއިއްޒުމެން ވެރިކަމުގަ މިހާރު އޮތްވަރަށް ޕާކިންގ އެއް ނެތް. އެކަމަކުވެސް ހަމަ ޖޫރިމަނާ ކުރިއޭ ހަމަ ފަލަކޮށް. މިހާރު އެގޮތް އޯކޭ އެއް ނޫނޯ!!