ކުޅުދުއްފުއްޓަށް ރައީސް ވަޑައިގެންނެވި އިރު އިސްތިއުފާގެ ބެނާތައް!
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު ކުޅުދުއްފުށި ސިޓީއަށް މިއަދު ވަޑައިގެންނެވުމުން އެމަނިކުފާނުގެ އިސްތިއުފާއަށް ގޮވައިފިއެވެ.
މީސް މީޑިއާގައި އާންމުވެފައިވާ ވީޑިއޯއަކުން ފެންނަ ގޮތުގައި ރައީސް ޞާލިޙްގެ ދެކަނބަލުން ކުޅުދުއްފުއްޓަށް ވަޑައިގެންނެވި ވަގުތު "އިބޫ އިސްތިއުފާ" ޖަހައިފައިވާ ބެނާއެއް ހިފައިގެން ބަޔަކު ވަނީ ހަރަކާތްތެރިވެފައެވެ. މީގެ އިތުރުން އެ މީހުން ވަނީ ސަރުކާރުގެ އިސްތިއުފާއަށާއި ރާއްޖޭގައި އިންޑިއާ ސިފައިން ތިބުމާ ދެކޮޅަށް ވެސް އަޑު އުފުލައިފައެވެ.
މީގެ އިތުރުން ކުރީގެ ރައީސް އަދި އިދިކޮޅު ލީޑަރު ޢަބްދުﷲ ޔާމީން ޢަބްދުލްޤައްޔޫމް މިނިވަން ކުރެއްވުމަށް ގޮވައިލައިފައިވާ ބެނާއެއް ވެސް ފެނިފައިވެއެވެ.
މިކަމާ ގުޅޭގޮތުން ކުޅުދުއްފުށީ ކައުންސިލުގެ ބަހެއް އަދި ވަނީ ލިބޭގޮތް ނުވެފައެވެ.
ކުޅުދުއްފުށްޓަށް ވަޑައިގެން އެ ސިޓީގެ ބައެއް ތަންތަނަށް ރައީސްގެ ދެކަނބަލުން ޒިޔާރަތްކުރެއްވުމަށް ވަނީ ހަމަޖެހިފައެވެ. މީގެއިތުރުން ބައެއް މުއައްސަސާތަކުގެ އިސްވެރިންނާއި، ހދ. އަތޮޅު ކައުންސިލާއި، ކުޅުދުއްފުށީ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީއާ ބައްދަލުކުރެއްވުމަށް ވެސް ވަނީ ހަމަޖެހިފައެވެ.
ކުޅުދުއްފުށީ ސިޓީއިން ރައީސުލްޖުމްހޫރިއްޔާގެ ދެކަނބަލުން ދެން ވަޑައިގަތުމަށް ހަމަޖެހިފައި ވަނީ ހދ. ކުމުންދޫއަށެވެ.
މަށަށް ތާއީދު ކުރާ ދެތިން ބޯ ދޯ ތިބީ.. ދެރަ
ވަގުކަލޭގެއަށް އަލުންވެރިކަން ދޭންވީޔޯ އަނެއްކާ ޚަޒާނާ ދަވާލާހިތުން ނުވެސް ނިދެޔޯ
މި ސަރުކާރުންވެސް ލާރިކަނީ އަދި އެވަރުން ނުވެގެން ދީނުގަ ހަރާމް ކަންތައްތައްވެސް އާންމު ކުރުވަނީ. ނަޝީދުގެ ސިހުރު ބޮނޑިބަތުގެ އަވާގަ ޖެހިފަ ކަލޭވެސް ތިއޮތީ.
ކަންކަން ނުވަންޏާ ގޮވާނެ ، ކެރޭމީހުން އިސްތިއުފާއަށްވެސް