ކާރެއް ހުއްޓުވައި އޭގައި އިން 14 އަހަރުގެ ކުއްޖެއްގެ ބޯ ފަޅައިލައިފި

މާލޭ މަގުމަތިން ދަތުރު ކުރަމުން ދިޔަ ކާރެއް ހުއްޓުވައި އޭގައި އިން އުމުރުން 14 އަހަރުގެ ކުއްޖެއްގެ ބޯ ފަޅައިލައިފިއެވެ.

Ads by STELCO

ފުލުހުންގެ މީޑިއާ އޮފިޝަލަކު ވިދާޅުވީ މަޖީދީމަގު މާވެޔޮ މަގު ގުޅޭ ހިސާބުން ދުއްވައިފައި ދިޔަ ކާރެއް ހުއްޓުވައި އެ ކާރުގައި އިން 14 އަހަރުގެ ކުއްޖެއްގެ ގައިގައި ތަޅައި، މާރާމާރީ ހިންގައިފައިވާ ކަމަށް މިއަދު އިރުއޮއްސި 6:38 ހާއިރު ފުލުހުންނަށް ރިޕޯޓު ކޮށްފައިވާ ކަމަށެވެ.

މި މާރާމާރީގައި އަނިޔާވި ކުއްޖާގެ ބޯ ފަޅައިގެން ގޮސްފައިވާތީ އެ ކުއްޖާއަށް އޭޑީކޭ ހޮސްޕިޓަލުގައިފަރުވާ ދެމުން ގެންދާ ކަމަށާއި މި މާރާމާރީއާ ގުޅިގެން އަދި އެއްވެސް މީހަކު ހައްޔަރު ކޮށްފައި ނުވާކަމަށް ފުލުހުން ވިދާޅުވެއެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.