Sunday, 22 November 2026
Advertisement
Allied Insurance (leaderboard)
ޚަބަރު

ކަސްޓަމްސްގެ ޚިދުމަތުގައި ޑްރޯން އާއި ބޮޑީ ކެމެރާ ބޭނުންކުރަން ފަށައިފި

ކަސްޓަމްސްގެ އޮޕަރޭޝަންތައް ހަރުދަނާކުރުމަށް ސަވައިލަންސް ޑްރޯން އާއި ބޮޑީ ކެމެރާ ބޭނުންކުރަން ފަށައި، ޚިދުމަތުގައި ފާހަގަކޮށްލެވޭ މުވައްޒަފުންގެ އަގުވަޒަންކޮށްފިއެވެ.

ކަސްޓަމްސްގެ މުވައްޒަފުންގެ ބޮޑީ ކެމެރާ ބޭނުން ކުރަން ފެށުން / ފޮޓޯ: ޕީއެސްއެމް
ކަސްޓަމްސްގެ މުވައްޒަފުންގެ ބޮޑީ ކެމެރާ ބޭނުން ކުރަން ފެށުން / ފޮޓޯ: ޕީއެސްއެމް

މޯލްޑިވްސް ކަސްޓަމްސް ސަރވިސްގެ އޮޕަރޭޝަންތައް އިތުރަށް ހަރުދަނާކޮށް ތަރައްޤީކުރުމުގެ ގޮތުން، އެ މުއައްސަސާގެ ޚިދުމަތުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ރަސްމީކޮށް ފަށައިފިއެވެ.

މި ވަސީލަތްތައް ތަޢާރަފްކޮށްފައި ވަނީ ކަސްޓަމްސްގެ ޚިދުމަތަށް 136 އަހަރު ފުރުން ފާހަގަކުރުމަށް ބޭއްވި ޚާއްޞަ ޖަލްސާގައެވެ.

ކަސްޓަމްސްއިން އަލަށް ބޭނުންކުރަން ފެށި ސަވައިލަންސް ޑްރޯންތަކަކީ އޮސްޓްރޭލިއާ ސަރުކާރުން ހަދިޔާކޮށްފައިވާ ވަސީލަތްތަކެކެވެ. އަދި އޮޕަރޭޝަންތަކުގައި ބޭނުންކުރާ ބޮޑީވޯން ކެމެރާތަކަކީ އެމެރިކާ ސަރުކާރުގެ ފަރާތުން ފޯރުކޮށްދީފައިވާ ތަކެއްޗެވެ.

މި ޖަލްސާގައި ވާހަކަދައްކަވަމުން ކޮމިޝަނަރ ޖެނެރަލް އޮފް ކަސްޓަމްސް ފާޠިމަތު ދިޔާނާ ވިދާޅުވީ، އަލަށް ތަޢާރަފްކުރި މި ވަސީލަތްތަކަކީ ކަސްޓަމްސްގެ ކޮންޓްރޯލް ހަރުދަނާކުރުމަށް އެޅުނު މުހިންމު ފިޔަވަޅެއް ކަމަށެވެ. މީގެ ސަބަބުން މުއައްސަސާއަށް އޮތް އިތުބާރު ބޮޑުވެ، ކަސްޓަމްސްގެ ސަރަޙައްދުތައް ބެލެހެއްޓުން މިހާރަށްވުރެ ވަރުގަދަވާނެކަން އޭނާ ފާހަގަކުރެއްވިއެވެ.

ކަސްޓަމްސްގެ އަހަރީ ދުވަހާ ގުޅުވައިގެން އެ މުއައްސަސާގެ 136 އަހަރުވީ ތާރީޚުގެ މައްޗަށް އެކުލަވާލާފައިވާ "އެންމެ ދުވަސްވީ މުއައްސަސާ ރެޔާއި ދުވާލު ޚިދުމަތުގައި 136 އަހަރު" މި ނަމުގައި ޚާއްޞަ ފޮތެއް ވެސް ވަނީ ނެރެފައެވެ.

މި ޖަލްސާގައި ޚިދުމަތުގައި ފާހަގަކޮށްލެވޭ މުވައްޒަފުންނަށް ވަނީ އެކި ދާއިރާތަކުން އިނާމާއި ޝަރަފުގެ ކުލަ އަރުވާފައެވެ. އެގޮތުން ހަތަރު އޮފިސަރަކަށް 'ރައީސުލްޖުމްހޫރިއްޔާގެ ކުލަ' އަރުވާފައިވާއިރު، 20 އަހަރު ޚިދުމަތްކުރި 29 އޮފިސަރަކަށް ރަން ބެޖު އަދި 28 އޮފިސަރަކަށް ކޮމިޝަނަރ ޖެނެރަލްގެ އެވޯޑު ވަނީ ދީފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.