Saturday, 21 November 2026
Advertisement
Ooredoo — Article-Top (leaderboard)
ޚަބަރު

ވައި ނުސާފުވެ، ރަތް ސަމާލު ނެރެފި

ރާއްޖޭގެ އެކި ހިސާބުތަކަށް ދުންފިނީގެ އަސަރުކޮށް، މާލެއާއި ކުޅުދުއްފުށީގެ ވައިގެ ފެންވަރު ސިއްހަތަށް ނުރައްކާވާ މިންވަރަށް މިއަދު ވަނީ ދަށަށް ގޮސްފައެވެ.

މާލޭގެ ވައި ނުސާފު ވެފައި / ފޮޓޯ: ފައިލް
މާލޭގެ ވައި ނުސާފު ވެފައި / ފޮޓޯ: ފައިލް

ރާއްޖޭގެ އެކި ހިސާބުތަކަށް ދުންފިނީގެ އަސަރުކޮށް ވައި ނުސާފުވުމުގެ ސަބަބުން، މާލެއާއި ކުޅުދުއްފުށި ސިޓީގެ ވައިގެ ފެންވަރު އާންމު ސިއްހަތަށް ނުރައްކާވާ މިންވަރަށް މިއަދު ދަށަށް ގޮސްފިއެވެ.

ވައިގެ ފެންވަރު ބަލާ ބައިނަލްއަގުވާމީ ވެބްސައިޓެއް ކަމަށްވާ "އައިކިއުއެއާ"ގެ ތަފާސްހިސާބުތައް ދައްކާގޮތުން، މިއަދު މާލޭގެ ވައިގެ ކޮލިޓީ އިންޑެކްސް ހުރީ 159 ގައެވެ. އަދި ވިލިމާލޭގެ އިންޑެކްސް 160ގައި ހުރިއިރު، އެންމެ ބޮޑަށް ވައި ނުސާފުވެފައި ވަނީ 165ގެ ރޭޓިންއަކާ އެކު ކުޅުދުއްފުށީގައެވެ. މިއީ ސިއްހަތަށް ގެއްލުންހުރި މިންވަރެއް ކަމަށްވާ "އަންހެލްތީ" ދަރަޖައެވެ.

އާންމު ގޮތެއްގައި ވައިގެ ފެންވަރު ރަނގަޅު ކަމަށް ބަލަނީ އިންޑެކްސް 50އަށް ވުރެ ދަށުގައި ހުރުމުންނެވެ. ނަމަވެސް 151އާއި 200އާ ދެމެދުގެ މިންވަރަކީ ސިއްހަތަށް ސީދާ ނުރައްކާވާ މިންގަނޑެކެވެ. އައިކިއުއެއާއިން ލަފާކުރާ ގޮތުގައި މިއަދުގެ މެންދުރުފަހުން ފެށިގެން މާލޭ ސަރަހައްދުގެ ވައިގެ ފެންވަރު ރަނގަޅުވާން ފަށާނެއެވެ.

މޫސުމާ ބެހޭ ގައުމީ އިދާރާ (މެޓް)އިން ބުނިގޮތުގައި، ރާއްޖޭގެ އެކި ސަރަހައްދުތަކަށް މިހާރު ކުރަމުންދާ ދުންފިނީގެ އަސަރު ކުރިއަށް އޮތް ފަސް ދުވަހު ވެސް ދެމިގެންދާނެއެވެ. ހާއްސަކޮށް އުތުރާއި މެދުތެރޭގެ އަތޮޅުތަކުގައި ކުރިއަށް އޮތް ތިން ދުވަހު މިކަމުގެ އަސަރު ބޮޑުވާނެ ކަމަށް އެ އިދާރާއިން ލަފާކުރެއެވެ.

ވައި ނުސާފުވުމުގެ ސަބަބުން ކުރިމަތިވެދާނެ ސިއްހީ މައްސަލަތަކުން ރައްކާތެރިވުމަށް ކަމާ ބެހޭ އިދާރާތަކުން ވަނީ އިލްތިމާސްކޮށްފައެވެ. އެގޮތުން ބޭރަށް ނުކުންނައިރު މާސްކު އެޅުމަށާއި، ހާއްސަކޮށް ނޭވާލާ ނިޒާމުގެ ބަލިތައް ހުންނަ މީހުންނާއި ކުޑަކުދިން އަދި ދޮށީ އުމުރުގެ މީހުން ރައްކާތެރިކަމުގެ ފިޔަވަޅުތައް އެޅުމަށް ސިއްހީ މާހިރުން އިރުޝާދު ދެއްވައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.