ނަޝީދަށް ރާއްޖެ އަންނަން ނުކެރޭ ނަމަ އިސްތިއުފާ ދެއްވާ: އުމަރު
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ގައުމުން ބޭރުގައި ހުންނަވައިގެން މުސާރަ ނެންގެވުން ރަނގަޅު ނޫން ކަމަށާއި އަނބުރާ ރާއްޖެ ވަޑައިގަންނަވަން ކެރިވަޑައިނުގަންނަވާ ނަމަ އިސްތިއުފާ ދެއްވުމަކީ އެންމެ ރަނގަޅު ގޮތްކަމަށް އުމަރު ނަސީރު ވިދާޅުވެއްޖެއެވެ.
އޮންލައިން ނޫހަކުން ދެންނެވި ސުވާލަކަށް ޖަވާބު ދެއްވަމުން އުމަރު ވިދާޅުވީ ނަޝީދު ރާއްޖެ ވަޑައިނުގަންނަވާތީ އެމަނިކުފާނުގެ ދާއިރާ މަޖިލީހުގައި ތަމްސީލު ކުރައްވާނެ ފަރާތެއް ނެތް ކަމަށެވެ.
އުމަރު ވިދާޅުވީ ކޮންމެ މީހަކަށް ވެސް ނުރައްކާ އޮންނަ ކަމަށާއި ނަޝީދަށް އޮންނަ ނުރައްކާ ބޮޑު ވަނީ އެމަނިކުފާނު ލާދީނީ ވާހަކަ ދައްކާތީ ކަމަށެވެ. އަދި ނުރައްކަލެއް އޮތަސް ނެތަސް އިސްލާމް ދީނަށް ފުރައްސާރަ ކޮށްގެން ނުވާނެ ކަމަށާއި ނަޝީދު ރާއްޖެ ވަޑައިގަންނަވައިފި ނަމަ ސަލާމަތީ ބާރުތަކުން އެމަނިކުފާނަށް ފުރިހަމަ ރައްކާތެރިކަން ދޭނެ ކަމަށް އެ މަނިކުފާނު ވިދާޅުވިއެވެ.
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށްގެން ދިން ނުރައްކާތެރި ޓެރަރިސްޓް ހަމަލާގެ ތަހްގީގު އަދި ނުނިމި ކުރިއަށް ދާއިރު، ތަޙްޤީޤު ނިމި، އެކަން ރާވައި ހިންގި ފަރާތްތައް އިންސާފުގެ ކުރިމައްޗަށް ގެނެވި، ހައްޔަރުގައި ބޭތިއްބުމުގެ ކުރީގައި އެނބުރި ރާއްޖެއަށް އައުމަށް ޖެހިލުންވާކަމަށް އެ މަނިކުފާނު ވަނީ ވިދާޅުވެފައެވެ.
ރައްޔިތުންގެ މަޖިލީހުގެ ނައިބު ރައީސާ އީވާ އަބްދުﷲއަށް އެޑްރެސް ކުރައްވައި ރައްޔިތުންގެ މަޖިލީހަށް ރައީސް ނަޝީދު ފޮނުއްވި ސިޓީއެއްގައި ވިދާޅުވީ އެ މަނިކުފާނު މި ވަގުތު ރާއްޖެއަށް އައުމަށް އާއިލާއާއި، ހެޔޮއެދޭ އެތައް ބަޔަކު ވެސް އަދި އެ މަނިކުފާނު ވެސް ޖެހިލުންވާ ކަމަށެވެ.
މަޖިލީހުގެ އިދާރާއަށް ރައީސް ނަޝީދު ފޮނުވި ސިޓީގައި އިތުރަށް ވިދާޅުވީ އެމަނިކުފާނު ރާއްޖެއިން ބޭރުގައި ހުންނެވި ނަމަވެސް ރައްޔިތުންގެ މަޖިލީހަށާއި ދިވެހި ދައުލަތަށް ޚިދުމަތްކުރުމުގައި މަސައްކަތް ކުރިއަށް ގެންދާނެ ކަމަށެވެ. މީގެ އިތުރުން އެމަނިކުފާނު ރާއްޖެއިން ބޭރުގައި ހުންނަވާއިރު މަޖިލީހުގެ އެންމެހައިކަންކަން ޤާނޫނު އަސާސީއާއި މަޖިލީހުގެ ގަވާއިދުގައިވާ ގޮތުގެމަތިން މަޖިލީހުގެ ޢިއްޒަތްތެރި މެންބަރުންގެ އިރުޝާދުގެ ދަށުން މަޖިލީހުގެ ނައިބު ރައީސް އިސްވެ ހުންނަވައި މަޖިލީހުގެ އިދާރާއިން ހިންގާނެކަމީ އެ މަނިކުފާނުގެ ހިތްޕުޅުގައި އެއްވެސް ޝައްކެއް އުފެދޭކަމެއް ނޫންް ކަމަށް ވެސް ރައީސް ނަޝީދުގެ ސިޓީގައި ވަނީ ވިދާޅުވެފައެވެ.
ބުރުމާ ޤާސިމް އެއްއަހަރު ވަންދެން މަޖިލިސްއަކަށްނާދޭ.. ދާއިރާ ތަމްސީލްކުރިދޯ..
ރާއްޖެއިން ބޭރުގައި ހުރެގެން ފޮނި އަގަތެޅުން އެއީ ޚިދުމަތެއް ކަމުގައިވަނީނަމަ، މަރުވެފައިތިބ ިމީހުންވެސް ދާނީ ޤައުމަށް މެދުނުކެޑި ޚިދުމަތް ކޮށްދެމުންނެވެ. ނަޝީދަކީ އަބަދުވެސް ބާރާއި ޢިއްޒަތްތެރިކަމަށް ވަރަށް ފެންބޮވާފައި ހުންނަ ނުލަފާ މީހެއްކަން ޢަމަލު ތަކުން އެގޭނެއެވެ. ދުވަހަކުވެސް ބަހާ ޢަމަލާ ދިމަލެއް ނުވާނެ. ރާބުއިން ހުއްޓާލި ވާހަކަ ބުނީވެސް ސަމާޅުކަން ހޯދަން ވެގެންނެވެ. މިހާރުން މިހާރަށް އެމައްސަލަ ބައްލވާދެއްވާ. ރާބުއިމަކީ ޤާނޫނު އަސާސީ އިންނާއި އިސްލާމްދީނުގެ ޙުކުމް ތަކުގައިވެސް ހަރާމް ކަމެކެވެ. އަދަބު ލިބެން ޖެހޭނެއވެ. ޤާނޫނު އަސާސީގެ ކުރިމަތީގައި އެންމެން ހަމަހަމަވާ ކަމަށް ބަޔާންކުރާއިރު ނަޝީދުގެ މައްޗަށްވެސް ހަމަ މިހުކުމް ތަންފީޒު ކުރެވެން ޖެހޭނެއެވެ. ދާދި މިދާކަށް ދުވަހުވެސް މީހަކު ރާބައިގެން ދައުވާ ކުރިއެވެ. ނަޝީދު އިސްތިސްނާވާ ސަބަބެއް ހަމަ ނުވިސްނެއެވެ.
އުމަރުނަސީރުދިން ވަޒީފާޔ؛ެށްމަޖުލީހުގެރައީސްއަދާނުކުރެއެވެ..ދޮޅުއަހަރުމަޖުލީސްހުރިމަގުންވެސްނުހިގާ މުސާރަނެގިބަރާބަރަށް ކޮބާއުމަރުއޭރު ނިދާފަތޯ އެނަގެމުސާރަނެގީއޭނަޔައްހަލާލުވީމަތޯ މަސަކަޔްނުކޮށްމުސާރަދޭކަށްއެށްވެސްޤާނޫނަކުނޯނާނެ ކެލޭ ހަރުގަޑުލަށްގާގެންޤާނޫނުބެލިޔަކަސްނުފެށްނާނެ ..