Friday, 20 November 2026
Advertisement
Allied Insurance (leaderboard)
ސިޔާސީ

ރާއްޖޭގެ ސިޔާސީ ތާރީޚްގައި އެއްލައްކަ މެންބަރުން ހަމަކުރި ފުރަތަމަ ޕާޓީއަށް ޕީއެންސީ

ރާއްޖޭގެ ސިޔާސީ ތާރީޚުގައި ފުރަތަމަ ފަހަރަށް ސިޔާސީ ޕާޓީއެއްގެ މެންބަރުންގެ އަދަދު އެއްލައްކައަށް އަރައި، ޕީއެންސީން އާ ރެކޯޑެއް ގާއިމުކޮށްފިއެވެ.

ފޮޓޯ: ޕީޕަލްސް ނެޝަނަލް ކޮންގްރެސް (ޕީއެންސީ)
ފޮޓޯ: ޕީޕަލްސް ނެޝަނަލް ކޮންގްރެސް (ޕީއެންސީ)

ރާއްޖޭގެ މަލްޓި ޕާޓީ ޑިމޮކްރަސީގެ ތާރީޚުގައި، އެއްލައްކަ މެންބަރުން ހަމަކުރި ފުރަތަމަ ސިޔާސީ ޕާޓީގެ ރެކޯޑު ޕީޕަލްސް ނެޝަނަލް ކޮންގްރެސް (ޕީއެންސީ)އިން މިއަދު ގާއިމުކޮށްފިއެވެ.

އިލެކްޝަންސް ކޮމިޝަން(އީސީ)ގެ ދަފްތަރުން ދައްކާ ގޮތުގައި، ޖަނަވަރީ 31، 2019ގައި ރަޖިސްޓްރީކުރި ޕީއެންސީގެ މެންބަރުންގެ އަދަދު މިހާރު ވަނީ 100،083އަށް އަރާފައެވެ. މިއީ މި އަހަރު ނިމުމުގެ ކުރިން އެ އަދަދަށް މެންބަރުން އިތުރުކުރުމަށް އެ ޕާޓީން ކަނޑައަޅާފައިވާ އަމާޒެކެވެ.

ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ. މުޙައްމަދު މުޢިއްޒު މިދިޔަ އަހަރުގެ ނޮވެންބަރު 17ގައި ވެރިކަމާ ހަވާލުވެވަޑައިގަތްއިރު، އެ ޕާޓީގައި ތިބީ އެންމެ 3،000 މެންބަރުންނެވެ. ނަމަވެސް އެމަނިކުފާނުގެ ވެރިކަމަށް އަހަރެއް ވީއިރު، ޕާޓީގެ މެންބަރުންގެ އަދަދު މިވަނީ އެއްލައްކަ ފަހަނައަޅައި ގޮސްފައެވެ.

މިއީ ރާއްޖޭގެ ސިޔާސީ ތާރީޚުގައި އާ ރެކޯޑެކެވެ. މީގެ ކުރިން ރާއްޖޭގެ އެއްވެސް ސިޔާސީ ޕާޓީއަކަށް މިހާ ގިނަ އަދަދަކަށް މެންބަރުން ހަމަކުރެވިފައެއް ނުވެއެވެ.

މި ކާމިޔާބީއާ ގުޅިގެން ޕާޓީގެ މެންބަރުން ދަނީ ރައީސް މުޢިއްޒަށް މަރުޙަބާ ކިޔަމުންނެވެ. ޕީއެންސީއަކީ މިހާރު ރާއްޖޭގައި އެންމެ ހަރުދަނާ އިންތިޒާމުތަކެއްގެ ދަށުން ހިންގަމުން އަންނަ ޕާޓީގެ ގޮތުގައި އެ ޕާޓީން ފާހަގަކުރެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.