Tuesday, 17 November 2026
Advertisement
Allied Insurance (leaderboard)
ސިޔާސީ

ސަރުކާރަށް ތިން އަހަރު ފުރުން: މިރޭ ހުޅުމާލޭގައި ޚާއްސަ ޖަލްސާއެއް

ރައީސް ޑރ. މުއިއްޒުގެ ސަރުކާރަށް ތިން އަހަރު ފުރުން ފާހަގަކުރުމަށް ބާއްވާ ޚާއްސަ ޖަލްސާ އޮންނާނީ މިރޭ 8:00 ގައި ހުޅުމާލެ ސެންޓްރަލް ޕާކުގައެވެ.

ފޮޓޯ:  ޕީޕަލްސް ނެޝަނަލް ކޮންގްރެސް (ޕީއެންސީ)
ފޮޓޯ: ޕީޕަލްސް ނެޝަނަލް ކޮންގްރެސް (ޕީއެންސީ)

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް ތިން އަހަރު ފުރުމުގެ މުނާސަބަތުގައި ބާއްވާ ޚާއްސަ ޖަލްސާ މިރޭ ބޭއްވުމަށް ވަނީ ނިންމާފައެވެ.

މި ޖަލްސާ ކުރިއަށްދާނީ މިރޭ 8:00 ގައި ހުޅުމާލެ ސެންޓްރަލް ޕާކުގައެވެ.

މި ހަފްލާގައި ފާއިތުވި ތިން އަހަރުގެ ތެރޭގައި ސަރުކާރުން ހޯދާފައިވާ ކާމިޔާބީތަކާއި ކުރެވުނު މުހިންމު މަސައްކަތްތަކުގެ މަޢުލޫމާތު ހިއްސާކުރުމަށް ވަނީ ހަމަޖެހިފައެވެ. މީގެއިތުރުން، ކުރިއަށް އޮތް ތަނުގައި ސަރުކާރުން ކުރިއަށް ގެންދަން ނިންމާފައިވާ މުހިންމު މަޝްރޫޢުތަކާއި ސިޔާސަތުތަކާ ގުޅޭގޮތުން ރައީސް މުޢިއްޒު ވާހަކަފުޅު ދައްކަވާނެއެވެ.

އާންމުކޮށް ހުޅުވާލައިގެން ބާއްވާ މި ޖަލްސާއަށް ވީހާވެސް ގިނަ ރައްޔިތުން ބައިވެރިވުމަށް ސަރުކާރުން ވަނީ ދަޢުވަތު އަރުވާފައެވެ. ސަރުކާރުން އަންނަނީ ކޮންމެ އަހަރަކުވެސް އެ އަހަރެއްގެ ކާމިޔާބީތައް ހިއްސާކުރުމަށް މިފަދަ ޖަލްސާތައް ބާއްވަމުންނެވެ. އެގޮތުން މިދިޔަ އަހަރު ސަރުކާރަށް ދެ އަހަރު ފުރުން ފާހަގަކޮށްފައި ވަނީ ސޯޝަލް ސެންޓަރުގައި ބޭއްވި ޖަލްސާއެއްގައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.