ފެންފުށީ ކައުންސިލްގައި މަސައްކަތް ކުރާ އެރަށު ޒުވާނުންގެ ދިރުމުގެ މެމްބަރުންނަށް ފިޔަވަޅު އަޅައިދޭން އެދިއްޖެ!
ފެންފުށީ ކައުންސިލްގައި މަސައްކަތް ކުރާ އެ ރަށު ޒުވާނުންގެ ދިރުމުގެ ހަތަރު މެމްބަރަކަށް ފިޔަވަޅު އަޅައިދޭން އެ ރަށު ކައުންސިލުން ލޯކަލް ގަވަމެންޓް އޮތޯރިޓީ(އެލްޖީއޭ)ގައި އެދިއްޖެއެވެ.
އެކަމަށް އެދި ކައުންސިލުން އެލްޖީއޭއަށް ފޮނުވި ސިޓީގެ ކޮޕީއެއް "ދެން"އަށް ވަނީ ލިބިފައެވެ.
އެ ސިޓީގައި އެދިފައިވާ ގޮތުގައި ފިޔަވަޅު އަޅައިދޭން އެދިފައި ވަނީ ފެންފުށީ ދިރުމުގެ ރައީސް އަދި ކައުންސިލްގެ ޕްރޮޖެކްޓް އޮފިސަރ އަޙުމަދު ޢަބްދުލް މުހުސިނަށާއި އެ ޖަމްޢިއްޔާގެ ނައިބު ރައީސް ، ކައުންސިލްގެ އެސިސްޓެންޓް ޑިރެކްޓަރ ޔޫސުފް އިބްރާހީމަށާއި އެ ޖަމްޢިއްޔާގެ ނައިބު ރައީސް ، ކައުންސިލްގެ އަޙުމަދު މުޙައްމަދުގެ އިތުރުން އިކޮނޮމިކް ޑިވެލޮޕްމަންޓް އޮފިސަރ އަދުނާން އަޙުމަދަށެވެ.
އެ މުވައްޒަފުންނަށް ފިޔަވަޅު އަޅައިދޭން އެދިފައި ވަނީ ކައުންސިލްގެ މަސައްކަތަށް ވުރެ ޖަމްޢިއްޔާގެ މަސައްކަތްތަކަށް އިސްކަން ދިނުމާއި ކައުންސިލްގެ ޕްރިންޓަރުތަކުން ޖަމްއިއްޔާގެ ލިޔެކިޔުން ޕްރިންޓްކުރާ ކަމަށް ބުނެއެވެ.
ފެންފުށީ ކައުންސިލްގެ ސިޓީ
އެލްޖީއޭއަށް ހުށަހަޅައިފައި ވަނީ ސިވިލް ސަރވަންޓުންނާ ގުޅޭ މައްސަލައަކަށް ވުމާ އެކު އެ އިދާރާއިން ވަނީ މި މައްސަލަ ެިސިވިލް ސަރވިސް ކޮމިޝަނަށް ހުށަހެޅުމަށް އަންގައިފައެވެ.
ދެންއަށް މައުލޫމާތު ލިބިފައިވާ ގޮތުގައި ފެންފުށީ ކައުންސިލްގެ ރައީސް މި މައްސަލަ އެލްޖީއޭއަށް ހުށަހަޅައިފައި ވަނީ ކައުންސިލްގެ އެހެން މެމްބަރުންގެ ބަހެއް ނެތިއެވެ.
މި މައްސަލައާ ގުޅިގެން ފެންފުށީ ޒުވާނުންގެ ދިރުމުގެ މެމްބަރަކު "ދެން"އަށް މައުލޫމާތު ދެމުން ބުނީ އެ ޖަމްޢިއްޔާއަކީ ޕްރިންޓްކުރުން ފަދަ ހުރިހާ ވަޞީލަތްތަކެއް ހުރި ޖަމްޢިއްޔާއެއް ކަމަށާއި ރަށު ކައުންސިލްގެ ތުހުމަތުތަކަކީ ދޮގެއް ކަމަށެވެ. އަދި ކްލަބު،ޖަމްޢިއްޔާތަކުގެ ބާރު ކަނޑުވައިލާން ކައުންސިލުން މަސައްކަތް ކުރާ ކަމުގެ ތުހުމަތު ވެސް އޭނާ ކުރެއްވިއެވެ. އެގޮތުން ރަށުގެ ފުޓްސަލް ދަނޑު ކުއްޔަށް ދޫކުރާ އަގު ވެސް ކްލަބު،ޖަމްޢިއްޔާތަކަށް ބޮޑުކޮށްފައިވާ ކަމަށް އޭނާ ބުންޏެވެ.
"ކައުންސިލްގެ މެންޑޭޓްގައި އޮތްކަމެއް ކްލަބު،ޖަމްޢިއްޔާތައް ބާރުވެރި ކުރުވުމަކީ ، އެކަމަކު މި ފެންނަނީ މިއާ ޚިލާފަށް ، ޖަމްޢިއްޔާތަކާ ޒާތީވެގެން އުޅޭތަން ، މިއީ ދެރަ ކަމެއް" އޭނާ ބުންޏެވެ.
ފެންފުށީ ކައުންސިލްގައި ތިއްބަވަނީ ޖުމްހޫރީ ޕާޓީގެ ހަތަރު މެމްބަރަކާއި އެ ފިކުރުގައި މަސައްކަތް ކުރައްވާ މިނިވަން މެމްބަރެކެވެ.
ބަލަ! މިޔޮއް ހުރިހާ ދުވަހު ފެންފުށީ ކައުންސިލު އަތް ދަށައް ލައިގެން ފެންފުށީގެ އޮތީޔާ އޮތް އެއްޗެށް ބާރު ދަށައް ލައިގެން އުޅުނުހެން މިހާރު ނޫޅެވޭތީ ރުޅި އަރާގެން އެއުޅެނީ… ފެންފުށީ ޒުވާނުން ހަލާކު! ރަށައް ލިބެން އައި ކޮންމެ ކަމެއް ޖަމުޔާ އައް ބަދަލުކޮއް ހުރިހާ ލާރިފައިސާއެ ޖަމުޔާ އައް ވަންނަހެން އަންބުރާ ހެދި ބަޔެއް ތީ…
ތިބުނީ ރަނގަޅަށް. ހަމަ މިހާރު އެމީހުން ހަމަ މަގަށް އަޅުވާ، ވާވަރަށް ފެންފުށީ ޒުވާނުންތައް ދިރުވައިފި
އެމީހުން ނުޖެހޭނެ ހަމަ މަގަށް އަޅުވާކަށް. ދިރުވިޔަށް ނުދިރުވިޔަސް ކުޅިވަރެއް ކުޅިވަރެއްވެސް ހަމަ ކުޅިލާފަ އޮންނާނީ އެމީހުން ހިންގައިގެން. ހަޖަމު ވުމުގެ މައްސަލައެއް އުޅޭހެން ހީވާކަހަލަ…
ވަގުންނަށް ހީވާނީ ދެންވެސް ތިބޭނީ ހުސް ވަގުންނޭ. ވައްކަން ކޮށްގެން ވަޒީފާއިން ކަނޑާލި ކަލޭގެ އެހުރީ ރައީސް ކަމަށް. ދެންތިބީ މަކަރާ ހީލަތުން މީހުނަށް އޮޅުވާލާގެން ތިބި ބަޔެއް. ޖަމްއިއްޔާއިން ބާރުގެ ދަށަށް ގެނައިސްގެން އުޅޭ އެއްޗެއް އަޅެ ބުނެބަލަ ނިކަން؟ ފެންފުށީގައި ޕްރީސްކޫލް ހިންގަނީ އެމީހުން، ޕާކު ވެސް އެމީހުން(މިހާރު ބޭނުންނުކުރޭ)، އިންޓަނެޓްގެ ޚިދުމަތް އެމީހުން، ކޭބަލް ޓީވީ (މީޑިއާނެޓް) ހަމަ އެމީހުން، ކުޅިވަރެއް ކުޅުނިއްޔާ އެމީހުން، އިޖްތިމާއީ ކަމެއް ކޮށްފިއްޔާ އެމީހުން… ދޮންކަލޯ ވާނުވާ ބަލާފަ އެއްޗެއް ކިޔާބަލަ… އެމީހުން އެހުރިހާ ކަމެއް ކުރާއިރު އެމީހުން ހަމަ ޕްރޮޖެކްޓްތައް ހޯދާގެން ފައިސާ ހޯދާނެ. ވާނުވާ ނޭންގި ހުސްއަނގަ ނުތަޅާބަލަ…
ބަލަގަ ތިޔަ ހުރިހާ ކަމެއް ރަށައް އައީ ޖަމުޔާ ކައުންސިލު ހިސޯރުކޮއްގެން ތިބިއިރުގަ މިއީ މިދައްކާ ވާހަކަ އަކީ މި ހުރިހާ ކަމެއް ގައިމު ތެދުވެރިކަންމަތީ ކައުންސިލުން މި ހުރިހާ ކަމެއް ހަވާލުވެ ހިންގި ނަމަ ރައްޔެތުން ގެ ބަޖެޓައް ވައްނާނީ… ވަގައް ގަޮވަންވާނީ ގޮވޭ ވަރު މީހުން.. ނިމިދިޔަ ދައުރުގެ އޯޑިޓުން އިންގޭނެ ޒުވާނުންގެ ލޭ ބުއި ގޮތް… ގާސިމުގެ އެހީގައި އެތައް މިލިޔަން ރުފިޔާއެގެ އިމާރާތެއް އަޅާ އޭގެ ނާޖައިސް ފައިދާ ނަގަނީ
އެމީހުން ނުޖެހޭނެ ހަމަ މަގަށް އަޅުވާކަށް. ދިރުވިޔަށް ނުދިރުވިޔަސް ކުޅިވަރެއް ކުޅިވަރެއްވެސް ހަމަ ކުޅިލާފަ އޮންނާނީ އެމީހުން ހިންގައިގެން. ހަޖަމު ވުމުގެ މައްސަލައެއް އުޅޭހެން ހީވާކަހަލަ…
ސިވިލް ސަރވެންޓުން ރަށުކައުންސިލް ތަކުގައި އިދާރީ މީހުންގެ ގޮތުގައި އުޅެ ،ހިންގާ ޖަރީމާ ތައް ބަލަން އެބަޖެހޭ!
މީގެ ކުރިންވެސް ޖަމްއިއްޔާ ތަކާ ކުލަބުތައް ހަދައިފި، ފެންފުށި ޒުވާނުންގެ ދިރުން ދުއްވާލަން. ފެންފުށީ ފުޓްބޯޅަ ޓީމު 15 އަހަރު ބޭނުންކުރި ލޯގޯވެސް ބަޔަކު ކަޓުވާލި. އެކަމަކުވެސް ނުވި އެއްވެސް ކަމެއް. އިންޝާﷲ ނުވާނެ ތިކުރަން އުޅޭ ކަމެއް ކާމިޔާބެއް ދުވަހަކުންވެސް. މިއީ ތި ހީކުރާ ކަހަލަ ތޯތޯ ޖަމްއިއްޔާއެއް ނޫން. އެޔަށްވުރެ މާ ހިއްވަރު ގަދަ ކެރޭ ފަހުލަވާނުންތަކެއް އުޅޭ ޖަމްއިއްޔާއެއް. ބަޔަކާ ޖައްސާލައިގެން ހަސަދަވެރިވެގެން ވާނެ އެއްވެސް ކަމެއް ނޯންނާނެ. ދެންތިބި މީހުންވެސް ޖަމްއިއްޔާތަކާ ކުލަބުތައް ހަދައިގެން ކަންކަން ރާވާ ހިންގާލަބަލަ. މާބޮޑަށް ޒާތީނުވެ، ހަސަދަވެރި ނުވެ. ފެންފުށީގައި ހަމައެކަނި އެކްޓިވް ޖަމްއިއްޔާއަކީވެސް މީއީއޭ.