އައްޑޫގައި ހިނގި މާރާމާރީއާ ގުޅިގެން ހައްޔަރު ކުރި މީހާ ޝަރީއަތް ނިމެންދެން ބަންދަށް!
މިދިޔަ ހުކުރު ދުވަހު އައްޑޫސިޓީގައި ތޫނު އެއްޗަކުން ހަމަލާދީ މީހަކު ޒަހަމް ކޮށްލި މައްސަލައިގައި ހައްޔަރު ކުރި މީހާ ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފިއެވެ.
Ads by STELCO
މި ހަމަލާއާ ގުޅިގެން އުމުރުން 31 އަހަރުގެ ދިވެހި ފިރިހެނަކު ވަނީ މިދިޔަ އަންގާރަ ދުވަހުގެ ރޭ ހައްޔަރު ކޮށްފައެވެ.
ފުލުހުން ވިދާޅުވީ، އޭނާގެ ބަންދުގެ މުއްދަތު ޖަހަން ކޯޓަށް ހާޒިރު ކުރުމުން ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފައިވާ ކަމަށެވެ.
ތޫނު އެއްޗަކުން ހަމަލާ ދިނުމުގެ ސަބަބުން ޒަހަމްވެފައި ވަނީ އައްޑޫސިޓީ ހިތަދޫއަށް ނިސްބަތްވާ އުމުރުން 29 އަހަރުގެ ދިވެހި ފިިރިހެނެކެވެ.
އެނގިފައިވާ ގޮތުގައި، މި ހަމަލާގައި ޒަހަމްވި މީހާ އިއްޔެގެ ވަގުތެއްގައި ވަނީ އިތުރު ފަރުވާއަށް މާލެ ގެނެސްފައެވެ.
Ads by STO
