Tuesday, 17 November 2026
Advertisement
Allied Insurance (leaderboard)
ބޮލީވުޑް

ރާމަޔަނާގައި ރާމްއާއި ރާވަންއަކީ ރަންބީރާއި ރިތިކް

ރާމަޔަނާގައި ރާމްއާއި ރާވަންއަކީ ރަންބީރާއި ރިތިކް

އިންޑީއާގެ މަޝްހޫރު ތާރީހީ ވާހަކަ ރާމަޔަނާގެ މައްޗަށް އުފައްދާ ފިލްމުގެ މައި ރޯލުތަކުން ފެންނާނީ ރިތިކް ރޯޝަންއާއި ރަންބީރް ކަޕޫރުކަމަށް ރިޕޯޓުތައް ބުނެފިއެވެ.

ބޮލީވުޑް ހަންގާމާއިން ބުނީ މި ފިލްމުގައި ރަންބީރު ކުޅޭނީ ރާމްގެ ރޯލުކަމަށެވެ. މިއީ ފިލްމުގެ ހީރޯއެވެ. އަނެއްކޮޅުން ރިތިކް ކުޅޭނީ ރާވަންގެ ރޯލެވެ. މިއީ ނެގެޓިވް ރޯލެކެވެ. ފިލްމުގައި ސީތާގެ ރޯލުން ފެންނާނެ ބަތަލާއެއްގެ ނަން މިހާތަނަށް މީޑިއާތަކަށް ތިލަވެފައެއް ނުވެއެވެ.

ރަންބީރާއި ރިތިކްއާ އެކު ފިލްމުގެ ޕްރޮޑިއުސަރު ޖެކީ ބަގްނާނީ ބައްދަލުވުމެއް ބާއްވައިފައިވާކަމަށް ރިޕޯޓުތައް ބުނާއިރު އެއްބަސްވުމަކާ ހިސާބަށް ވަރަށް އަވަހަށް ދާނެކަމަށް އޮތީ ބެލެވިފައެވެ. މިފިލްމުގެ މަސައްކަތް ފަށާނީ އަންނަ އަހަރުގެ މެދުތެރޭގައިކަމަށް ރިޕޯޓު ކުރެއެވެ.

Advertisement
Ooredoo — Square (box)

މިފިލްމުން ރިތިކްއާއި ރަންބީރު ފެންނަ ނަމަ މިއީ މިދެތަރިން އެކީގައި އެއް ފިލްމެއްގައި މަސައްކަތްކުރާ ފުރަތަމަ ފަހަރަށް ވެގެން ދާނެއެވެ.

އެކްޓަރު ރިތިކް ދެން އެންމެ އަވަހަށް ފެންނާނީ ބަތަލާ ދިޕިކާ ޕަދުކޯންއާ އެކު ފިލްމު "ފައިޓާ"އިންނެވެ. އޭގެ ފަހުން "ވޯރ"ގެ ދެވަނަ ބައި އަދި "ކްރިޝް 4" ގެ މަސައްކަތް ވެސް ރިތިކް ފަށާނެއެވެ.

އަނެއްކޮޅުން ރަންބީރް އެންމެ އަވަހަށް ފެންނާނީ ލޯބިވެރިޔާ އާލިއާ ބަޓް އަދި އަމީތާބް ބައްޗަންއާ އެކު ފިލްމު "ބްރައްމާސްތުރަ"އިންނެވެ. މީގެ އިތުރުން ވާނީ ކަޕޫރާ އެކު ފިލްމު "ޝަމްޝޭރާ"، ޕަރިނީތީ ޗޯޕްރާ، އަނިލް ކަޕޫރު އަދި ބޮބީ ޑިއޯލްއާ އެކު ފިލްމު "އެނިމަލް"އިން ވެސް އޭނާ ފެންނާނެއެވެ. މީގެ އިތުރުން ޝްރައްދާ ކަޕޫރާ އެކު ޑައިރެކްޓަރު ލަވް ރާންޖަންގެ ކުރިއަށް އޮތް ފިލްމުން ވެސް ރަންބީރު ފެންނާނެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.