ކޮވިޑް-19: ޑެލްޓާއަށް ވުރެ ހަލުވި ކަމާ އެކު ފެތުރޭ ވޭރިއެންޓެއް، ނަމަކީ ޑެލްޓާ ޕްލަސް
ކޮވިޑް-19ގެ ނުރައްކާތެރި ވޭރިއެންޓެއް ކަމުގައިވާ ޑެލްޓާ ވޭރިއެންޓަށް ވުރެ ހަލުވި ކަމާއެކު ފެތުރޭ ވޭރިއެންޓެއް ފެތުރެން ފަށައިފަައިވާކަމަށް ޔޫކޭގެ ކަމާބެހޭ މާހިރުން ބުނެފިއެވެ.
"ޑެލްޓާ ޕްލަސް"ގެ ނަން ދީފައިވާ މި ވޭރިއެންޓްއަކީ ޑެލްޓާ ވޭރިއެންޓަށް ވުރެ އެތައް ގުނައެއް ހަލުވިކަމާ އެކު ފެތުރޭ ވޭރިއެންޓެއްކަމަށް ޔޫކޭގެ އެކްސްޕާޓުން ދަނީ ބުނަމުންނެވެ. މި ވޭރިއެންޓްގެ ނުރައްކާތެރިކަން އޮތް މިންވަރާއި އިތުރު ތަހްލީލްތަކަށް މިހާރު މި ވޭރިއެންޓް ވަނީ "ވޭރިއެންޓް އަންޑާ އިންވެސްޓިގޭޝަން" ކެޓަގަރީއަށް ލައިފައިކަމަށް ވެސް ކަމާ ބެހޭ އިދާރާތަކުން ބުނެއެވެ.
ޑެލްޓާ ޕްލަސް ވޭރިއެންޓްއާއި ބެހޭ މާގިނަ މައުލޫމާތު އަދި ހޯދިފައި ނުވި ނަމަވެސް ކޮވިޑް-19އިން ރައްކާތެރިވުމަށް ޖަހާ ވެކްސިންތަކުގެ އަސަރު މި ވޭރިއެންޓަށް ކުރާނެ ކަމަށް ސިއްހީ މާހިރުން އުއްމީދުކުރެއެވެ.
ޔޫކޭގަައި އަދިވެސް ޑެލްޓާ ވޭރިއެންޓް ފެތުރެމުން ދާއިރު ޑެލްޓާ ޕުލަސް ވެސް އެ ގައުމުގައި ހަލުވި ކަމާއެކު މިހާރު ދަނީ ފެތުރެމުން ކަމަށް އެގައުމުގެ ކަމާ ބެހޭ ފަރާތްތަކުން ބުނެއެވެ. މިގޮތުން އެ ގައުމުގެ މިހާރު ރިޕޯޓުކޮށްފައިވާ ކޮވިޑް ވޭދަނަތަކުގެ 6 އިންސައްތައަކީ ޑެލްޓާ ޕުލަސް ވޭރިއަންޓްގެ ވޭދަނަތައް ކަމަށް އެގައުމުގެ ކޮވިޑް ނަމްބަރުތައް ދައްކައެވެ.
ކޮވިޑް-19ގެ ސަބަބުން ދުނިޔޭގެ ހުރިހާ ގައުމެއްހެން އެކީ ފުރަބަންދުކޮށް އާންމު ދިރިއުޅުން ވަނީ ހުއްޓުވައިލައިފައެވެ. އެހެން ނަމަވެސް ކޮވިޑް-19ގެ ބިރުވެރިކަން ކުޑަވެ ގައުމުތަކުގައި އަޅައިފައިވާ ފިޔަވަޅުތައް އުވާލައި ގައުމުތައް ދަނީ ހުޅުވަމުންނެވެ.
Ads by STO
