Monday, 16 November 2026
Advertisement
HDC — Share-Below (leaderboard)
ބޮލީވުޑް

ވައި ނުސާފު ކަމުން މީރާ ދިއްލީ ދެކެ ފޫހިވެއްޖެ!

ވައި ނުސާފު ކަމުން މީރާ ދިއްލީ ދެކެ ފޫހިވެއްޖެ!

އިންޑިއާގެ ވެރި ރަށް ނިއު ދިއްލީގެ ވައި މިދުވަސްކޮޅު ނުސާފުކަމުން، އެތަނަށް ދާހިތް ނުވާކަމަށް ބޮލީވުޑްގެ އެކްޓަރ ޝާހިދު ކަޕޫރުގެ އަންހެނުން މީރާ ރާޖްޕޫތު ބުނެފިއެވެ.

ހިންދޫން ފާހަގަ ކުރާ ދުވަހެއްގެ މުނާސަބަތުގައި މިދިޔަ ބުރާސްފަތި ދުވަހުގެ ރޭ ފަޓާސް ރޯ ކުރުމުގެ ސަބަބުން، ހުކުރު ދުވަހު ހެނދުނު މުޅި ދިއްލީ ވަނީ ދުމުން ފުރިފައެވެ.

އެމަންޒަރު ދައްކުވައިދޭ ފޮޓޯއެއް އިންސްޓްގްރާމް ސްޓޯރީގައި ހިއްސާ ކުރަމުން މީރާ ބުނީ، އެއީ އޭނާގެ "ގެ" ނޫން ކަމަށާއި ވައި އެގޮތަށް ނުސާފުވެފައިވުމުގެ ސަބަބުން އޭނާ ދިއްލީއަށް ދާން ބޭނުން ނުވާ ކަމަށެވެ.

Advertisement
Ooredoo — Square (box)

މީރާއަކީ ދިއްލީއަށް ނިސްބަތްވާ މީހެއް ކަމުގައިވިޔަސް، ޝާހިދުއާ ކައިވެނި ކުރުމަށް ފަހު އޭނާ ވަނީ އިންޑިއާގެ މުމްބައި އަށް ބަދަލުވެފައެވެ.

ދުމުން ފުރިފައިވާ ނިއު ދިއްލީގެ ފޮޓޯއެއް ހިއްސާ ކުރަމުން މީރާ ބުނީ ފަޓާސް ރޯކުރަނީ ކީއްކުރަން ކަމެއް އޭނާއަށް ނުވިސްނޭ ކަމަށާއި ފަޓާސް ރޯ ކުރުން ހުއްޓައިލަން ޖެހޭ ކަމަށެވެ.

މީރާ ބުނީ ތިމާވެށި ރައްކާތެރިކުރުމަކީ އެންމެންގެ ވެސް ޒިންމާއެއް ކަމަށާއި އެންމެންވެސް ތިމާވެށި ސާފުކޮށް ބެހެއްޓުމަށް އަހައްމިއްޔަތުކަން ދޭން ޖެހޭނެ ކަމަށެވެ.

އިންޑިއާގައި ކޮންމެ އަހަރަކު ވެސް މިދުވަސްވަރަކީ ފަޓާސް ރޯކުރާ އަދި އެކަމާމެދު ބައެއް މީހުން ނުރުހުން ވެސް ފާޅު ކުރާ ދުވަސްވަރެކެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.