ޕޯސްޓްމޯޓަމް ހެދުމަށް ފަހު ނަރުހުގެ ހަށިގަނޑު ރާއްޖެ ގެނެސްފި
އައިޖީއެމްއެޗުގައި މަސައްކަތް ކުރަމުން ދިޔަ ފިލިޕީންސްގެ ނަރުހެއް ކަމަށްވާ މޭރީ ގްރޭސްގެ ޕޯސްޓްމޯޓަމް ހެދުމަށް ފަހު، އޭނާގެ ހަށިގަނޑު ރާއްޖެ ގެނެސްފިއެވެ.
އައިޖީއެމްއެޗްގައި ހީމޯ ޑަޔަލެސިސް ނަރުހެއްގެ ގޮތުގައި މަސައްކަތް ކުރި މޭރީގެ ހަށިގަނޑު ޕޯސްޓުމޯޓެމް ހެދުމަށް ފޮނުވައިފައި ވަނީ އިންޑިއާއަށެވެ. އޭނާގެ ހަށިގަނޑު އެ ޤައުމަށް ފޮނުވައިފައި ވަނީ މި މަހުގެ 1ވަނަ ދުވަހުއެވެ.
ފިލިޕީންސްގެ ރައްޔިތެއް ކަމަށްވާ މޭރީ މަރުވީ އޮކްޓޯބަރު މަހުގެ 19 ވަނަ ދުވަހުގައެވެ. އެ މައްސަލައިގައި ހައްޔަރު ކުރި އުމުރުން 29 އަހަރުގެ އޭނާގެ ފިރިމީހާއަކީ އައިޖީއެމްއެޗުގެ އީއާރުގައި މަސައްކަތް ކުރާ ނަރުހެކެވެ. މިދެމަފިރިންގެ 4 އަހަރުގެ ދަރިއަކު ވެސް ހުރެއެވެ.
މި މައްސަލައިގައި، އެ އަންހެންމީހާ މަރުވީ ދަންޖެހިގެންކަން ކަށަވަރު ވެފައި ނުވާ ކަމަށާއި އަދި އެ އަންހެންމީހާގެ ކަރުގައި ދަންޖެހިފައިވާ ކަމުގެ ނިޝާނެއް ވެސް ފެންނަން ނެތް ކަމަށް ބައެއް މީޑިއާތަކުން ވަނީ ރިޕޯޓް ކޮށްފައެވެ.
މޭރީގެ މަރާ އެކު ޝައްކުތައް އުފެދިފައިވާ އިރު މޭރީގެ ފިރިމީހާގެ އުޅެނީ އައިޖީއެމްއެޗުގައި މަސައްކަތް ކުރާ ދިވެހި ނަރުހަކާ ލޯބީގެ ގޮތުން ގުޅިގެން ކަމަށާއި މިމައްސަލައިގައި އެދެމަފިރިންގެ މެދުގައި ގުޅުން ގޯސްވެފައިވާ ވާކަމަށް މައުލޫމާތު ލިބިފައި ވެއެވެ.
ދިވެހި ކުދިންނަކީ ވަރަށް ރަނގަޅު ކުދިން ،ތިކަމުގެ ތެރެއަކަށް ނުވަންނާނެ