ރާއްޖެ ކުޅޭ މެޗުތަކުގެ ސްކޯ ދިމާ ކޮށްގެން ސްޓެލްކޯގެ ފަރާތުން ހާއްސަ ގިފްޓް ޕެކެއް
އަވަށްޓެރި ޝްރީ ލަންކާގައި މާދަމާ ފަށާ "މަހިންދަ ރާޖަޕަކްސަ ޓްރޮފީ ފޯ ނޭޝަންސް ކަޕް"ގައި ރާއްޖެ ކުޅޭ މެޗުތަކުގެ ސްކޯ ދިމާކޮށްގެން ވަރަށް ހާއްސަ ގިފްޓު ޕެކެއް ހޯދުމުގެ ފުރުސަތު ސްޓެލްކޯއިން ހުޅުވައިލައިފިއެވެ.
ސްޓެލްކޯއިން މިއަދު ކުރި އިއުލާނެއްގައި ބުނީ މި މުބާރާތުގެ ފޯރި އިތުރަށް ގަދަ ކުރުމަށް ޓަކައި އެ ކުންފުނީގެ ރަސްމީ ފޭސްބުކް ޕޭޖް މެދުވެރިކޮށް ކުރިޔަށް ގެންދާ ޕްރޮމޯޝަނެއްގައި ރާއްޖެ ކުޅޭ މެޗްތަކުގެ ސްކޯ ދިމާކޮށްގެން 5 ފަރާތަކަށް ސްޓެލްކޯގެ ގްރީންލައިފް ޕްރޮޑަކްޓްސްތަކުގެ ތެރޭގައި ހިމެނޭ ރީޔޫސަބަލް ފުޅިއާއި، ޓޯޓްބޭގުގެ އިތުރުން ކަރުދާސް ކޮތަޅު ހިމެނޭ ގިފްޓް ޕެކެއް ލިބިގެންދާނެ ކަމަށެވެ.
މީގެ އިތުރުން ސްޓެލްކޯއިން ބުނީ އެ މުބާރާތުގައި ރާއްޖެ ކުޅޭ ހުރިހާ މެޗެއް އެ ކުންފުނީގެ މާޓީވީން ބެލޭނެ އިންތިޒާމު މިހާރު ހަމަޖެހިފައިވާ ކަމަށެވެ.
މަހިންދަ ރާޖަޕަކްޝަ އިންވިންޓޭޝަނަލް ޓޯނަމަންޓް މިއަދު ފަށާގޮތަށް އޮތް ނަމަވެސް މި މުބާރާތް މާދަމައަށް ފަސްކުރީ ޝްރީ ލަންކާއަށް މިހާރު ކުރަމުންދާ ވިއްސާރައިގެ ސަބަބުންނެވެ.
Ads by STO
