ފުވައްމުލަކު ގެއެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއްް ލިބިއްޖެ

ފުވައްމުލަކު ސިޓީގެ ގެއެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ލިބިއްޖެއެވެ.

Ads by STELCO

އެމްއެންޑީއެފުން ވިދާޅުވީ ޏ.ފުވައްމުލަކު ހޯދަނޑު އަވަށުގެ ވަނަވަރު ކިޔާ ގޭގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ސަދަން ކޮމާންޑްގެ ފުވައްމުލަކު ފަޔަރ ސްޓޭޝަނަށް ރިޕޯޓްކޮށްފައި ވަނީ މިއަދު 10:43 ހާއިރުކަމަށެވެ.

މިގޭގައި ރޯވި އަލިފާންގަނޑު 10:55 ހާއިރު ނިއްވައިލެވިފައިވާއިރު އަލިފާން ރޯވި ކޮޓަރީގައި ހުރި އެއްޗެހި ވަނީ ބޭނުން ނުކުރެވޭ ވަރަށް ހަލާކުވެފައެވެ.

މިހާދިސާގައި އެއްވެސް މީހަކަށް އަނިޔާއެއް ވެފައެއް ނުވެއެވެ. އަދި މިހާދިސާ ހިނގަން މެދުވެރިވީ ފަންކާއެއްގެ ޑިމަރެއްގައި ރޯވެގެން ކަމަށް ވެސް ވަނީ މަައުލޫމާތު ލިބިފައެވެ