ނޢޢގެ ވެރިޔާ އުމަރު ޒާހިރު ކޮވިޑަށް ފައްސިވެއްޖެ

ދައުލަތަށް ގިނަ ދުވަހު ޚިދުމަތް ކުރެއްވި ނިޝާން އިއްޒުއްދީން އިއްޒަތުގެވެރިޔާ އޮނަރަބަލް އުމަރު ޒާހިރު ކޮވިޑް-19އަށް ފައްސިވެއްޖެއެވެ.

Ads by Hajj Corporation

މައުލޫމާތު ލިބިފައިވާ ގޮތުގައި އޭނާ މިވަގުތު ދަނީ ދަރުވަމަންތަ ހޮސްޕިޓަލުގައި ފަރުވާ ހޯއްދަވަމުންނެވެ.

އުމަރު ޒާހިރުގެ މިހާރު އުމުރުފުޅަކީ 85 އަހަރެވެ. އޭނާއަށް ނިޝާން އިއްޒުއްދީންގެ އިއްޒަތްތެރި ވެރިކަމުގެ ލަގަބު ލިބިވަޑައިގެންނެވީ 2008ވަނަ އަހަރުގައެވެ. އެމަނިކުފާނު ވަނީ ރައީސް މައުމޫންގެ ވެރިކަމުގައި ގިނަ ވުޒާރާތަކުގެ ވަޒީރުކަން ކުރައްވައިފައެވެ. އޭގެ ތެރޭގައި، ، ޕަބްލިކް ވަރކްސްގެ ވަޒީރުކަމާއި ދާޚިލީ ވަޒީރުކަމާއި ކުޅިވަރާ ބެހޭ ވަޒީރުކަން ހިމެނެއެވެ.

އުމަރު ޒާހިރުއަށް އަވަސް ޝިފާއެއް މިންވަރު ކުރައްވާށިއެވެ. އާމީން!