ކޮމަންޑޫ ދާއިރާއަށް ހުސެއިންގެ ދަރިކަނބަލުން ވާދަކޮށްދޭން އެދިއްޖެ
ރައްޔިތުންގެ މަޖިލީހުގެ ކޮމަންޑޫ ދާއިރާގެ މެންބަރު ހުސެއިން ވަހީދު އަވަހާރަވުމާ ގުޅިގެން އެ ދާއިރާގެ ހުސްވެފައިވާ ގޮނޑިއަށް އެ މަނިކުފާނުގެ ދަރިކަނބަލުން ނަޝާ ހުސެއިން ވާދަކޮށްދެއްވަން އެ ދާއިރާގެ ބަޔަކު އެދިއްޖެއެވެ.
އެ ގޮނޑިއަށް ނަޝާ ވާދަކޮށްދެއްވަން ދާއިރާގެ ބަޔަކު އެދިފައިވާ ކަމަށް އޮންލައިން ނޫސް "މިހާރު" އިން ވަނީ ބުނެފައެވެ. ނަމަވެސް އެ ދާއިރާގައި ވާދަކުރަން އެމްޑީޕީން ހުޅުވައިލައިފައިވާ ބައި އިލެކްޝަންގައި އެކަމަނާ ވާދަަ ކުރައްވާނެކަން އަދި ޔަގީނެއް ނޫނެވެ.
ކޮމަންޑޫ ދާއިރާ ތަމްސީލު ކުރެއްވި ހުސެއިން ވަހީދު އަވަހާރަވީ ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށެވެ. އެމަނިކުފާނު އަވަހާރަވުމާ ގުޅިގެން އިލެކްޝަންސް ކޮމިޝަން (އީސީ)އިން ވަނީ އެ ދާއިރާގެ ބައި އިލެކްޝަން އަންނަ ފެބްރުއަރީ މަހުގެ 5 ގައި ބޭއްވުމަށް ނިންމަވައިފައެވެ.
އެ އިންތިހާބަށް އެމްޑީޕީގެ ޓިކެޓުގައި ވާދަކުރަން ބޭނުންވާ މީހުން މިއަދުގެ ހަވީރު ހަތަރެއް ޖެހުމުގެ ކުރިން އެކަމަށް އެދި ހުށަހެޅުމުގެ ފުރުސަތު ވަނީ ހުޅުވައިލައިފައެވެ. އެމްޑީޕީގެ ޕްރައިމަރީ އޮންނާނީ މި މަހުގެ 27ގައެވެ.
ޥާރުތަ ވާން މުދާތޯ މީ
މަޖިލީހުގެ ގޮނޑިވެސް މިހާރު ތަރިކަ މުދަލައް ހަދަނީ ތަ؟