ކޮމަންޑޫ ދާއިރާއަށް ޕީޕީއެމްގެ ފަރާތުން ފަތުހީ
ރައްޔިތުންގެ މަޖިލީހުގެ ހުސްވެފައިވާ ކޮމަންޑޫ ދާއިރާގެ ގޮނޑިއަށް މެމްބަރަކު ހޮވުމަށް ބާއްވާ ބައި އިލެކްޝަންގައި އިދިކޮޅު ޕްރޮގްރެސިވް ކޯލިޝަނުން ވާދަކުރާނެ ކެނޑިޑޭޓަކަށް އަލްއުސްތާޛު މޫސާ ފަތުހީ ހަމަޖައްސައިފިއެވެ.
ފަތުހީއަށް އެ ޓިކެޓު ލިބިފައި ވަނީ އިދިކޮޅު ކޯލިޝަނުން ހުޅުވައިލި ޕްރައިމަރީއަށް އިތުރު މީހަކު ވާދަ ނުކުރުމުންނެވެ.
އަލްއުސްތާޛު މޫސާ ފަތުހީއަކީ، ކުރީގެ ރައީސް، ރައީސް ޢަބްދުﷲ ޔާމީންގެ ވެރިކަމުގައި ހޯމް މިނިސްޓްރީގެ ޑެޕިއުޓީ މިނިސްޓަރުކަން ކުރައްވައިފައިވާ ބޭފުޅެކެވެ. އޭނާ ވަނީ ވާ އެއަތޮޅުގެ ތަރައްޤީއަށް ގިނަ މަަސައްކަތްތަކެއް ކުރައްވައިފައިއެވެ.
އަންނަ އަހަރުގެ ފެބްރުއަރީ މަހުގެ ފަސްވަނަ ދުވަހު ބޭއްވުމަށް ހަމަޖެހިފައިވާ، ކޮމަންޑޫ ދާއިރާގެ ބައި އިލެކްޝަންގައި ވާދަ ކުރުމަށް، ވެރިކަން ކުރާ އެމްޑީޕީގެ ޕްރައިމަރީއަށް ކުރިމަތިލީ ވެސް އެންމެ ކެނޑިޑޭޓެކެވެ.
ކޮމަންޑޫ ދާއިރާގެ މަޖިލިސް ގޮނޑި ހުސްވެފައި މިވަނީ، އެ ދާއިރާ ތަމްސީލު ކުރެއްވި މެންބަރު ޙުސެއިން ވަހީދު އަވަހާރަވުމުންނެވެ. އެ މަނިކުފާނު އަވަހާރަވީ ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށެވެ.
