ރަންވީރުސިންގުގެ ފިލްމު 83، ކްރޯޑްގެ ގެއްލުމަކާ ކުރިމަތިލާން ޖެހިދާނެ

ކަބީރް ޚާން ޑައިރެކްޓްކުރި ފިލްމު 83 ބޮކްސް އޮފީހުގައި ދެއްކި ދަށް ޕާފޯމަންސްގެ ސަބަބުން އެ ފިލްމުން ބޮލީވުޑަށް ހައިރާންކަމެއް ލިބިފައިވާ އިރު އެންމެ ބޮޑު ހައިރާންކަމެއްގައި ތިބީ މި ފިލްމުގެ ޕްރޮޑިއުސަރުންނެވެ. އޭގެ ތެރޭގައި ދީޕިކާ ޕަދުކޯން ވެސް ހިމެނެއެވެ. މި އަގުބޮޑު ފިލްމަށް މިހާރު ވަނީ އެތައް ކްރޯޑެއްގެ އާމްދަނީއެއް ގެއްލޭ ހިސާބަށް ގޮސްފައެވެ.

Ads by STELCO

ޕްރޮޑިއުސަރުންގެ ގާތް ފަރާތަކުން ބުނެފައިވާ ގޮތުގައި ގޮތުގައި ވަރަށް އަވަހަށް އެކަކު އަނެކަކަށް އިނގިލި ދިއްކުރަން ފަށާނެއެވެ. އޭނާ ބުނީ އެ ފިލްމަކީ 1983ވަނަ އަހަރުގެ ވޯލްޑް ކަޕާ ބެހޭ ޑޮކިއުމެންޓްރީއެއް ކަހަލަ ފިލްމެއް ކަމަށާއި ފިލްމު ހަދަމުން ދަނިކޮށް ޕްރޮޑަކްޝަން ޓީމުގެ ބައެއް މީހުން އެކަމަށް އިޝާރާތް ކޮށްފައިވާ ކަމަށެވެ.

“ފިލްމަކީ ވޯލްޑް ކަޕާ ބެހޭ ޑޮކިއުމެންޓްރީއެއް ކަހަލަ ފިލްމެއް. އިންޑިއާގައި އެތައް ބައިވަރު ކްރިކެޓް ސްޓޭޑިއަމްތަކެއް ހުރި އިރު، ލަންޑަންގައި ހުންނަ އަގުބޮޑު ލޯޑްސް ސްޓޭޑިއަމްގައި ޝޫޓް ކުރަން ވީ ކޮން ބޭނުމެއްގަ؟ ފިލްމު ޔުނިޓްގެ މީހުންނަށް ތިއޭޓަރުތަކަށް އޯޑިއަންސް ވެއްދޭކަމުގެ ފުރިހަމަ ޔަގީންކަން އޮތް ވަރުން ނަޔާސޭރުން ބަންދުކުރީ ވެސް" އޭނާ ކިޔައިދިނެވެ.

މީގެ އިތުރުން ރަންވީރުގެ ފީގެ ބޮޑު ބައެއް އޮތީ ނުނިމި ކަމަށް ވެސް އެނގިފައިވެއެވެ. އަދި މި ފިލްމުގެ ސަބަބުން ލިބޭ ގެއްލުންތައް ފޫބެއްދުމުގެ ގޮތުން ރަންވީރަށް އެ ފީ ނުދީ މަޑުޖައްސައިލަން މަޖުބޫރުވެދާނެކަމަށް ވެސް ބެލެވެއެވެ.

ކަބީރު ޚާންގެ އެންމެ ފަހުގެ ޑައިރެކްޝަންކަމަށްވާ ޓިއުބްލައިޓަށް ލިބުނު ނާކާމިޔާބީއާއި 83އަށް މި ލިބުނު ނާކާމިޔާބީގެ ސަބަބުން އޭނާއަށް ދެގުނައަށް ގެއްލުން ލިބޭނެކަމަށް ބެލެވެއެވެ. ޓިއުބްލައިޓަކީ ވެސް ވަރަށް އަގު ބޮޑު ފިލްމެކެވެ.