އަވަސް އަރުވައިގެން ކައިވެނިކުރާކަށް ނޫޅެން: ތާޕްސީ ޕަންނޫ
ތާޕްސީ ޕައްނޫ ވަނީ މިއަހަރު އޭނާ ކުޅުނު ފިލްމްތައް ކަމަށްވާ ހަސީން ދިލްރުބާއާއި ރަޝްމީ ރޮކެޓު ފަދަ ފިލްމުތަކުން ވަރަށް ބޮޑު ކާމިޔާބީއެއް ހޯދައިފައެވެ. ދިރިއުޅުމުގެ ވާހަކަތައް ހިއްސާކުރަމުން އޭނާ ބުނެފައި ވަނީ އަދި އަވަސް އަރުވައިލައިގެން ކައިވެނިކުރުމުގެ ޚިޔާލެއް ނެތް ކަމަށެވެ. އޭނާގެ ލޯބިވެރިޔާއަކީ ކުރީގެ ބެޑްމިންޓަން ކުޅުންތެރިއެއްކަމަށްވާ މެތުޔާސް ބޯއެވެ.
ކައިވެންޏާ ބެހޭ ސުވާލުތަކަށް ތާޕްސީ ވަނީ ޖަވާބު ދީފައެވެ.
"ކައިވެނިތަކަކީ ސީޒަންގެ ރަހަތައް ކަމަށް ވާތީތަ؟ ނޫން ނޫން. ސީދާ އެހެނެއް ނޫން. އަހަރެންގެ ސީދާ ވެޑިން ޕްލޭނެއް ނެތް. އަހަރެންގެ އަތުގައި ތަންކޮޅެއް އެސައިންމަންޓްތައް އެބަހުރި. އަވަސް އަރުވައިލައިގެން ވެޑިންއެއް ކުރާކަށް އަހަރެން ބޭނުމެއް ނޫން." ތާޕްސީ ބުނެފައި ވެއެވެ.
އިންޑިއާގެ އެންމެ ބިޒީ އެއް އެކްޓަރު ތާޕްސީއަށް ވަގުތު ލިބުމުން ކައިވެނި ކުރަން ބޭނުންވާ ކަމަށް އޭނާ ވަނީ ބުނެފައެވެ.
"އަހަރެން ކައިވެނިކުރާއިރު އެކަން ކުރާނީ ހިތްފަސޭހަ މާހައުލެއްގައި. ކައިވެނި ކުރަން އަހަރެން އަވަސް އަރުވައިލައިގެން ނޫޅެން. ކައިވެނި ކުރުމަށްފަހު މާބޮޑު ބަދަލެއް ނާންނާނެ އެހެންވެ މިވަގުތު ފުންވަޅުގަނޑަކަށް ފޭބުމުގެ މާބޮޑު ބޭނުމެއް އަޅުގަނޑަށް އިހުސާސެއް ނުވޭ."
އޭނާ ބުނެފައި ވަނީ އޭނާގެ އުންމީދަކީ 2021 ވަނަ އަހަރަށްވުރެ އޯގަނައިޒްޑް އަހަރެއްކަމަށް 2022 ވުން ކަމަށެވެ.
"ލޮކްޑައުންގެ ސަބަބުން މިދިޔަ ދެ އަހަރު ތަންކޮޅެއް ދަތިކޮށް ދިޔައީ، އަހަރެންނާއި އަހަރެންގެ އާއިލާއަށް ދޭނެ ވަގުތެއް ވެސް ނުލިބޭ، އެއް ސެޓުން އަނެއް ސެޓައް ދުވަން ޖެހުނު. މިކަމުގެ ސަބަބުން އަޅުގަނޑުގެ ޖިސްމާނީ އަދި ނަފްސާނީ ދުޅަހެޔޮކަމަށް ވަނީ ވަރަށް ބޮޑު އަސަރެއް ކޮށްފައިވޭ. 2022ވަނަ އަހަރު މިހާރަށް ވުރެ އަމާންވާނެ. އަޅުގަނޑު އުންމީދު ކުރަނީ 2022 ވަނަ އަހަރު ކުއްލިއަކަށް އެއްވެސް ކަހަލަ ހައިރާންކުރުވަނިވި ލޮކްޑައުންއެއް ނާންނާނެ ކަމަށް. "
ތާޕްސީ ޕަންނޫއަކީ ހިންދީ، ތަމަޅަ އަދި ޓެލުގޫ ސިނަމާތަކުގައި ވެސް މަޝްހޫރު ފަންނާނެކެވެ.
