ހެލޯ ޕްރިޕެއިޑް ޕްލޭންގެ ނަމުގައި ބިދޭސީންނަށް ޚާއްސަ ޕްލޭނެއް
ރާއްޖޭގައި އުޅޭ ބިދޭސީންނަށް ހާއްސަކޮށްގެން ދިރާގުން ޕްރިޕެއިޑް ޕްލޭނެއް ތައާރަފް ކޮށްފިއެވެ.
ދިރާގުން ބުނެފައިވަނީ ހެލޯ ޕްރިޕެއިޑްގެ ނަމުގައި މިއަދު ތައާރަފްކުރި މި ޕްލޭނަކީ ރާއްޖޭގައި ދިރިއުޅޭ އިންޑިއާ، ލަންކާ، ފިލިޕންސް، ނޭޕާލް، ތައިލެންޑް އަދި ޗައިނާގެ ރައްޔިތުންނަށް ހާއްސަ ޕްލޭނެއް ކަމަށެވެ.
އެ ހަ ގައުމަށް ނިސްބަތްވާ މީހަކު ދިރާގުގެ ހެލޯ ޕްރިފެއިޓް ޕްލޭން ނަގައިފި ނަމަ މުޅި އަހަރު ހާއްސަ އޮފާތަކެއް ލިބޭނެ ކަމަށް ވެސް ދިރާގުން ބުނެފައިވެއެވެ.
މީގެ އިތުރުން ދިރާގުން ބުނެފައި ވަނީ ހެލޯ ޕްރިޕެއިޑް ޕްލޭން ނަގާ ހުރިހާ ފަރާތްތަކަށް ކޮމްބޯ ޕްލޭން އެކްޓިވޭޓް ކުރުމުން 25 އިންސައްތައިގެ އިތުރު އެލަވެންސް މާޗު މަހުގެ 31ގެ ނިޔަލަށް ލިބޭނެ ކަމަށެވެ.
މާލެއާއި ހުޅުމާލޭގެ ސޭލްސް އޭޖެންޓުންނާއި ކަސްޓަމާ ސާވިސް ސެންޓަރުތަކުން ހެލޯ ޕްރިޕެއިޑް ސިމް ލިބޭނެކަމަށް ދިރާގުން ބުނެއެވެ. އަދި މިހާރު ދިރާގު ޕްރިޕެއިޑް ސިމް ބޭނުންކުރާ ފަރާތްތަކުން ކެޕިޓަލް އަކުރުން "ޕީކޭޖީ ހެލޯ" ޖެހުމަށް ފަހު 444އަށް މެސެޖް ކުރުމުން ޕްލޭން ބަދަލު ކުރެވޭނެ ކަމަށް ވެސް ދިރާގުން ބުނެއެވެ.
