އިންތިހާބާ ގުޅިގެން އިދިކޮޅުން އަޑު އުފުލަން ނިކުތީ ކަމާ ބެހޭ ފަރާތްތަކުން ފިޔަވަޅު ނާޅާތީ: ޝުޖާއު
މިއަދު ކުރިއަށްދާ ކޮމަންޑޫ ދާއިރާގެ ބައިއިލެކްޝަނާ ގުޅިގެން އިދިކޮޅު ސަޕޯޓަރުން ވޯޓުލާ މަރުކަޒު ކައިރިއަށް އެއްވީ އެމްޑީޕީން ކުރިއަށްގެންދާ ގާނޫނާ ހިލާފު ކަންކަން ހުއްޓުވުމަށް ކަމާ ބެހޭ ފަރާތްތަކުން ފިޔަވަޅު ނާޅާތީކަމަށް ޕީއެންސީގެ ނައިބުރައީސް އިބްރާހިމް ޝުޖާއު ވިދާޅުވެއްޖެއެވެ.
ކޮމަންޑޫ ދާއިރާގެ ބައި އިލެކްޝަންގައި ވޯޓުލުމަށް މާލޭގައި ބަހައްޓައިފައިވާ ދެ ފޮށްޓަށް ވޯޓުލުން ކުރިޔަށް ދަނިކޮށް އެމްޑީޕީގެ ބައެއް އިސް ފަރާތްތަކުން ވޯޓުލާދާން ފަރާތްތަކަށް ފައިސާ ބަހާ ކަމަށް ބުނެ އިދިކޮޅުން ވަނީ އިލެކްޝަންސް ކޮމިޝަނަށް މައްސަލައެއް ހުށަހަޅައިފައެވެ.
މި ކަމާ ހިތްހަމަނުޖެހުން ފާޅުކުރުމުގެ ގޮތުން އިދިކޮޅުގެ ސަޕޯޓަރުންތަކެއް ވަނީ އިސްކަންދަރު ސްކޫލު ސަރަހައްދަށް އެއްވެފައެވެ. އެއާ އެކު އެމްޑީޕީގެ ސަޕޯޓަރުންތަކެއް ވެސް އެ ސަރަހައްދަށް އެއްވިއެވެ.
ޝުޖާއު ވިދާޅުވީ އެމްޑީޕީން އިސްކަންދަރު ސްކޫލު ކައިރީގައި ހުރި ގެއެއްގެ ތެރޭގައި ތިބެ ފައިސާ ބަހަމުން ދާކަމުގެ މައުލޫމާތު ލިބިފައިވާ ކަމަށެވެ. ހުކުރު ދުވަހުގެ އިރުއޮއްސި ހަ ގަޑި ސުން މިނެޓުން ފެށިގެން ކެމްޕޭން ކުރުމަކީ މަނާ ކަމެއްކަން ފާހަގަ ކުރައްވައި ޝުޖާއު ވިދާޅުވީ އެ ފަދަ ކަންތައްތައް ބަޔަކު ކުރާނަމަ، އިދިކޮޅު ކޯލިޝަނުން ބަލަން ނުތިބޭނެ ކަމަށާއި، އެ މައްސަލަ ކަމާބެހޭ ފަރާތްތަކަށް ހުށަހެޅިފައިވާ ކަމަށެވެ.
އެހެން ނަމަވެސް ވޯޓުލާ ސަރަހައްދަށް ނިކުންނަން ޖެހުނީ ކަމާ ބެހޭ ފަރާތްތަކުން ފިޔަވަޅު އަޅައިފައި ނުވާތީކަމަށް ވެސް ޝުޖާއު ވިދާޅުވިއެވެ.
"މިހާރު ތި ފެނިވަޑައިގަންނަވަނީ އެމްޑީޕީގެ ގްރާސް ރޫޓު އަންހެންވެރިން އައިސްފައި އަޅުގަނޑުމެންގެ ސަޕޯޓަރުންނާ ޒުވާބުކުރަން ހިންގާ ކަންތައްތައް. ދެން އެއީ އަޅުގަނޑު ގަބޫލުކުރާ ގޮތުގައި ވަރަށް ދަށު ދަރަޖައިގެ ފިނޑި އަމަލެއް"
- އިބްރާހިމް ޝުޖާއު
ހުޅުމާލޭގެ ކައުންސިލަރުކަން ވެސް ކުރައްވާ ޝުޖާއު ވިދާޅުވީ ވޯޓާ ގުޅިގެން ހިނގާ ގާނޫނާ ހިލާފު ކަންކަން ކޮންޓްރޯލް ކުރުމަށް އިދިކޮޅުން މަސައްކަތް ކުރަމުން ގެންދާނެކަމަށެވެ.
ކޮމަންޑޫ ދާއިރާގެ ތިން ރަށުގެ އިތުރުން މާލޭގައި ބަހައްޓައިފައިވާ ދެ ވޯޓް ފޮށި ކައިރީގައި އެމްޑީޕީން މޭޒު ބަހައްޓައިގެން ކެމްޕެއިން ކުރަމުން ދާކަމަށް އިދިކޮޅުން ވަނީ ތުހުމަތު ކޮށްފައެވެ. އެމްޑީޕީން ބުނެފައި ވަނީ މިއީ ކެމްޕެއިން ކުރުން ނޫން ކަމަށާއި އެކްޒިޓް ޕޯލް މޭޒު ބަހައްޓައިގެން ކުރިއަށްދަނީ އޮބްޒާވް ކުރުމުގެ މަސައްކަތް ކަމަށެވެ.
ނިކުމޭ ނިކުމޭ ކާކުބުނީ ނުނިކުންނާށޭ. ނިކުމެތިބޭ ނުވަންނާތި ވަރިހަމަ 100 އަހަރުވިޔަސް
ތީ ހުސް ވަގުންނޭ ދިވެހިން އަބަދުވިސް ވައްކަމައް ބުނާނީ ނޫނެކޭ ތިކަހަލަމީހުނައް ތިވައްކަން އޯކޭވާނި ފެށުމުގާއިވެސް އަބަދުވައްކަން
މީ ހަމަ ހެއިގަ ހުންނަމީހެތް ނޫން ހުޅުމާލެޔަށް އައިސް ގުރުޕްއާ އެތްކޮށް މީނަ ކުރާކަންކަން ވަރަށްރަނގަޅަށް އެނގޭ