ރައީސް ޞާލިހު ކުރައްވާ ކަމަކީ ރައްޔިތުންނަށް ޖެއްސުން ކުރެއްވުން :ސެމްބެ
ރައީސް އިބްރާހީމް މުހައްމަދު ޞާލިހު މިހާރު ރައްޔިތުންނަށް ކުރައްވަނީ ޖެއްސުން ކަމަށް ރައްޔިތުންގެ މަޖިލީހުގެ ފަރެސްމާތޮޑާ ދާއިރާގެ މެމްބަރު ހުސައިން މުހައްމަދު ލަތީފު(ސެމްބެ) ވިދާޅުވެއްޖެއެވެ.
އޭނާ މިހެން ވިދާޅުވީ އިޖްތިމާއީ ބޯހިޔާވަހިކަމަށް، ނުވަތަ ސޯޝަލް ހައުސިންއަށް ރަނގަޅީ ދެ ކޮޓަރި ނޫން ކަމަށާއި، ތިން ކޮޓަރި ކަމަށް ރައީސް ޞާލިހް ވިދާޅުވުމާ ގުޅިގެންނެވެ.
ޅ.ނައިފަރުގައި އެޅި ހައުސިން ޔުނިޓްތައް އެ ރަށު ކައުންސިލާ ހަވާލު ކުރުމަށް ރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ޞާލިހު ވިދާޅުވީ ނައިފަރުގައި އެޅި 1000 އަކަފޫޓުގެ ތިން ކޮޓަރި ފްލެޓުތަކަކީ މި ސަރުކާރުން ރައްޔިތުންނަށް ބޯހިޔާވަހިކަން ފޯރުކޮށްދޭން ގެންގުޅޭ ސިޔާސަތާ އެއްގޮތަށް ގާއިމުކުރެވުނު ފްލެޓުތަކެއް ކަމަށެވެ. އެ ގޮތުން އާއިލާއެއް އެއްކޮށް އުޅޭކަމަށް ވާނަމަ، ފްލެޓް ހުންނަންވާނީ ވަރަށް ތަނަވަސްކޮށް ކަމަށް ވެސް ވިދާޅުވިއެވެ.
ރައީސްގެ މި ވާހަކަފުޅާ ގުޅިގެން ސެމްބެ ވިދާޅުވީ މި ސަރުކާރުގެ "ބުރަ" ވާހަކަތަކުން، ބިމުން މައްޗަށް އިމާރާތެއް ވެސް ނާރާ ކަމަށެވެ.
"ހިތްވަރު ކޮށްލައްވާ، ގަލެއް ނަމަވެސް ބޭއްވޭނެ އަދި." ސެމްބެ ވިދާޅުވިއެވެ.
ކުރީގެ ރައީސް ، ރައީސް ޔާމީންގެ ވެރިކަމުގައި "ހިޔާ" މަޝްރޫއުގެ ދަށުން އެޅި ފްލެޓްތަކުގެ ޖާގަ ކުޑަ ކަމަށް މި ސަރުކާރުގެ އިސްވެރިން ވިދާޅުވެއެވެ.
ނަމަވެސް މި ސަރުކާރަށް ތިން އަހަރު ވެގެން ދިޔައިރު ވެސް، މާލެ ސަރަހައްދުގައި އެއްވެސް ހައުސިން މަޝްރޫއުއެއް ނިންމިފައި ނުވާތީ އިދިކޮޅުގެ ފާޑުކިޔުން ސަރުކާރަށް ވަނީ އަމާޒުވެފައެވެ.
ހުސައިން މުހައްމަދު ލަތީފް އެވިދާޅުވަނީ ރަގަޅުވާހަކައެއް
އިބުރާމިން މުހައްމަދު ސާލިހު އެކުރަނީ ރައްޔަތުންނަށް
ޛެއްސުން