ބޭސްފަރުވާއަށް ރައީސް ސިންގަޕޫރަށް!

ބޭސްފަރުވާއަށް މިއަދު ސިންގަޕޫރަށް ފުރާވަޑައިގަންނަވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.

ރައީސުލްޖުމްހޫރިއްޔާ މިކަން ހާމަކުރެއްވީ އެމަނިކުފާނު މިއަދު ކުރެއްވި ޓްވީޓެއްގައެވެ. ރައީސް ވިދާޅުވީ ޑޮކްޓަރުގެ ލަފާގެ މަތިން އެ މަނިކުފާނު މިއަދު ސިންގަޕޫރަށް ފުރައިވަޑައިގަންނަވަނީ ތައިރޮއިޑްގެ ފަރުވާއަކަށް ކަމަށެވެ. އަދި ފަރުވާގެ ކަންކަން ފުރިހަމަވުމުން ލަސްނުވެ މަސައްކަތަށް އެނބުރި ވަޑައިގަންނަވާނެކަމަށް އެ މަނިކުފާނު ވިދާޅުވެފައިވެއެވެ. https://twitter.com/ibusolih/status/1496387494836908032?s=20&t=ZV48C2TVTffAgB7O4SukMg

މިމަހުގެ 10ވަނަ ދުވަހު ވެސް ރައީސްގެ ދެކަނބަލުން ވަނީ ސިންގަޕޫރަށް ވަޑައިގެންފައެވެ. އެ ދަތުރުފުޅަށް ފަހު އެ މަނިކުފާނު ރާއްޖެ ވަޑައިގަތީ މިމަހުގެ 15ވަނަ ދުވަހުއެވެ.