މިނިވަންކަން ދިފާއު ކުރެވޭނީ ރައީސް ޔާމީނަށް: އާދަމް ޝަރީފް
ދިވެހި ރާއްޖޭގެ މިނިވަންކަން ހޯދައި ދިފާއު ކުުރުމަށް ޓަކައި ކޮންމެހެން ވެސް އިދިކޮޅުގައި މި ވަގުތު އޮތް ޕީޕީއެމް ވެރިކަމަށް ގެންނަން ޖެހޭ ކަމަށް ޕީއެންސީގެ ނައިބު ރައީސް އާދަމް ޝަރީފް އުމަރު ވިދާޅުވެއްޖެއެވެ.
މަޑުއްވަރީ ދާއިރާގެ މަޖިލިސް މެންބަރުކަން ވެސް ކުރައްވަމުން ގެންދަވާ އާދަމް ޝަރީފް، މިއަދު ކުރެއްވި ޓްވީޓެއްގައި ވިދާޅުވީ، މިނިވަންކަން ދިފާއު ކުރެވޭނީ ޕީޕީއެމަށް ކަމަށާއި އަދި އެކަން ކުރެވޭނެ ހަމައެކަނި ރިޔާސީ ކެނޑިޑޭޓަކީ ރައީސް ޔާމީން ކަމަށެވެ. ސަބަބެއްގެ ގޮތުގައި ވިދާޅުވީ، މިނިވަން ކަމަށް ޓަކައި ޖިހާދު ކުރެއްވުމުގެ ކަމަރު ބަންނަން ކެރި ވަޑައިގެންނެވި ހަމައެކަނި ލީޑަރަކީ ރައީސް ޔާމީން ކަމަށް ވުމެވެ.
"ރާއްޖޭގެ މިނިވަންކަން ހޯދައި، ދިފާއު ކުރުމަށް ޓަކައި ޕީޕީއެމް ވެރިކަމަށް ކޮންމެހެން ގެންނަން ޖެހޭ. މިނިވަންކަން ދިފާއު ކުރެވޭނީ ޕީޕީއެމްއަށް. މިނިވަން ކަމަށް ޓަކައި ޖިހާދު ކުރެއްވުމުގެ ކަމަރު ބަންނަން ކެރި ވަޑައިގެންނެވި ހަމައެކަނި ރިޔާސީ ކެނޑިޑޭޓަކީ ރައީސް ޔާމީން" އާދަމް ޝަރީފް ވިދާޅުވިއެވެ.
އިދިކޮޅު ކޯލިޝަނުން "އިންޑިއާ އައުޓް"ގެ ނަމުގައި ރާއްޖޭގެ މިނިވަންކަން ދިފާއުކުރުމަށް ބޮޑު ހަރަކާތެއް ދަނީ ހިންގަމުންނެވެ. އިދިކޮޅު ކޯލިޝަނުން ތަކުރާރުކޮށް ބުނަމުން ދަނީ އިންޑިއާއާ އެކު، މި ސަރުކާރުން ރާއްޖޭގެ މިނިވަންކަމަށް ބުރޫ އަރާ ފަދަ ކަންތައް ކުރަމުން އަންނަ ކަމަށެވެ.
"އިންޑިއާ އައުޓް" ހަރަކާތުގައި ބައިވެރިވުމަށް، ސަރުކާރު ކޯލިޝަން ހިމެނޭހެން ހުރިހާ ސިޔާސީ ލީޑަރުންނަށް ޕީޕީއެމްއިން ވަނީ ދައުވަތު ދީފައެވެ. ނަމަވެސް އެ ހަރަކާތަކީ ސިޔާސީ ހަރަކާތެއް ކަމަށް ބުނެ އެއްވެސް ފަރާތަކުން ދައުވަތު ޤަބޫލުކޮށްފައެއް ނުވެއެވެ.
ކަލޭމެންގެ ވެރިކަމެއް އަތުވެއްޖެ ކަމުގާވާނަމަ ތިޖޫރީގާ ފުލެއް ނުހުންނާނެ