އިންޑިއާގައި ހުރި ބައްޕަ އަމިއްލައަށް މަރުވާން އުޅެނިކޮށް ރިޕޯޓްކުރީ އެމެރިކާގައި ހުރި ދަރިފުޅު!
އެމެރިކާގެ ޓެކްސަސްގައި ދިރިއުޅޭ އަންހެނަކު ، އޭނާގެ ބައްޕަ އަމިއްލައަށް މަރުވާން އުޅެނިކޮށް އެކަން ފުލުހަށް ރިޕޯޓްކޮށް ބައްޕަގެ ފުރާނަ ސަލާމަތް ކުރުމަށް އެހީތެރިވެދީފިއެވެ.
އިންޑިއާގެ ޚަބަރުތައް ބުނާ ގޮތުގައި މުމްބާއީގައި އުޅޭ 74 އަހަރުގެ ބާރަތު ރުޕަރެލް މަރުވާން ތައްޔާރުވެ އޭނާ ވަނީ އެކަން ދަރިފުޅަށް އަންގައިފައެވެ. އަދި ޓެކްސަސްގައި ހުރި ދަރިފުޅު އެކަން ވަގުތުން ފުލުހަށް އެންގިއެވެ. ފުލުހުން ވަގުތުން އެ ތަނަށް ގޮސް ، ސީރިއަސް ހާލަތުގައި އޮތް ރުޕަރެލް ހޮސްޕިޓަލަށް ގެންދިޔައެވެ. އޭނާގެ ސުއިސައިޑް ނޯޓް ވެސް ފުލުހުންނަށް ވަނީ ފެނިފައެވެ.
ރުޕަރެލްއަށް މިހާރު ފަރުވާ ކުރަމުންދަނީ އައިސީޔޫގައެވެ. އަދި އޭނާގެ ޙާލަތު ވަރަށް ސީރިއަސް ކަމަށް ޚަބަރުތައް ބުނެފައި ވެއެވެ.
އަމިއްލައަށް މަރުވުމަކީ އިސްލާމް ދީނުގައި ވަރަށް ބޮޑަށް ޙަރާމް ކުރައްވައިފައިވާ ކަމެކެވެ. އިންޑިއާއަކީ އަމިއްލައަށް މަރުވާ މީހުން ވަރަށް ގިނަ ގައުމެކެވެ. 2020ވަނަ އަހަރު 150،000އަށް ވުރެ ގިނަ މީހުން އަމިއްލައަށް މަރުވެފައިވާ ކަމަށް ރެކޯޑްކުރެވިފައި ވެއެވެ. މިއީ އޭގެ ކުރީގެ އަހަރަށް ވުރެ 10އިންސައްތަ އިތުރު އަދަދެކެވެ.
