ރައީސް ޞާލިޙް މިރޭ ޤައުމާ މުހާތަބު ކުރައްވަނީ

ރައީސް އިބްރާހިމް މުހައްމަދު ޞާލިޙް މިރޭ ޤައުމާ މުހާތަބު ކުރައްވަން ނިންމަވައިފިއެވެ.

ރައީސް އޮފީހުން މިއަދު ކުރި އިއުލާނެއްގައި ވިދާޅުވެފައި ވަނީ މިރޭ 8:00ގައި ރައީސް ޞާލިޙް ގައުމާ މުހާތަބު ކުރައްވާނެ ކަމަށެވެ.

ރައީސް ޞާލިޙް މިރޭ ގައުމާ މުހާތަބު ކުރެއްވުން ދައުލަތުގެ މީޑިއާ މެދުވެރިކޮށް ދައްކާނެ ކަމަށް ވެސް ރައީސް އޮފީހުން ވިދާޅުވެފައިވެއެވެ.

މިއީ އެ މަނިކުފާނުގެ ތައިރޮއިޑް އޮޕަރޭޝަނަށް ފަހު ރައީސް ޞާލިޙް ގައުމާ މުހާތަބު ކުރައްވާ ފުރަތަމަ ފަހަރެވެ.

ރައީސް އޮފީހުގެ އިސް އޮފިޝަލަކު ވިދާޅުވީ ރައީސް ގައުމާ މުހާތަބު ކުރައްވާ އިރު ދުނިޔެ ކަންބޮޑުކުރުވި ރަޝިޔާ-ޔޫކްރެއިން ހަނގުރާމައާއި 2019ވަނަ އަހަރު ކުރިމަތިވި ކޮވިޑްގެ ބަލިމަޑުކަމުގެ މިހާރުގެ ހާލަތާ ގުޅޭ ގޮތުން ވެސް އަލިއަޅުއްވައިލައްވާނެއެވެ.