ސަލްމާން މިސްކިތް ރަސްމީކޮށް ނުހުޅުވައި، އެ ތަނުގައި ނަމާދު ކުރަން ފަށަނީ
ކިންގް ސަލްމާން މިސްކިތް ރަސްމީކޮށް ނުހުުޅުވިޔަސް، އެ މިސްކިތުގައި ރޯދަމަހު ނަމާދު ކުރެވޭނެ ކަމަށް އިސްލާމިކް މިނިސްޓްރީން ބުނެފިއެވެ.
އެ މިނިސްޓްރީގެ މީޑިއާ އޮފިޝަލު "ދެން"އަށް ވިދާޅުވީ ސަލްމާން މިސްކިތް ރަސްމީކޮށް ހުޅުވޭނެ ތާރީޚެއް އަދި ދަންނަވަން ދަތި ކަމަށެވެ. ނަމަވެސް ކުރިއަށް އޮތް ރޯދަ މަހަށް، އެ ތަނުގެ ނަމާދު ކުރުމަށް ޚާއްސަ ބައި ހުޅުވާނެ ކަމަށް ވެސް އޭނާ ވިދާޅުވިއެވެ.
މިސްކިތް ހުޅުވުން ލަސްވަނީ، އެތަނަށް ބޭނުންވާ ވަސީލަތްތައް އަދިވެސް ހޯދިފައިނުވާތީ ކަމަށް އިސްލާމިކް މިނިސްޓްރީން ބުނެއެވެެ.
ކިންގް ސަލްމާން މިސްކިތް ހުޅުވުން ލަސްވަމުންދާތީ، ސަރުކާރަށް ވަރަށް ގިނަ ފާޑުކިޔުންތަކެއް ވެސް ވަނީ އަމާޒުވެފައެވެ.
މިސްކިތް ނުހުޅުވި ލަސްވާތީ، އިސްލާމިކް މިނިސްޓަރު ޑރ. އަހުމަދު ޒާހިރު ވަނީ ރައީސް އިބްރާހީމް މުޙައްމަދު ޞާލިޙަށް ސިޓީއެއް ފޮނުއްވައި، މިސްކިތް ހުޅުވުމަށް ބޭނުންވާ ތަކެތި ގަތުމަށް ދެ މިލިއަން ޑޮލަރު ސައުދީ ސަރުކާރުން ދޭނެ ކަމަށް ފޮރިން މިނިސްޓްރީން އަންގައިފައިވާ ކަމަށް ވިދާޅުވެފައެވެ.
އަދި މިސްކިތަށް ބޭނުންވާ ވަސީލަތްތައް ހޯދުމުގެ މަސައްކަތް އަވަސް ކުރުމަށް ދައުލަތުގެ ބަޖެޓުން އެ ފައިސާ ހަމަޖައްސައިދިނުމަށް ވެސް އެދިވަޑައިގެންނެވިއެވެ.
ރައީސް ޔާމީނައް ކްރެޑިޓް ލިބޭނެކަން ޔަގީންވާތީ ތިޔަ މިސްކިތް ހުޅުވުން ލަސްކުރަނީ. 2023 ގެ ކުރިން ތިޔަ މިސްކިތް ރަސްމީކޮށް ނުހުޅުވާނެކަން މެންދުރުގެ އިރު ޔަގީންވާ ފަދައިން ޔަގީން.