ޑްރަގްގެ ބޮޑު އޮޕަރޭޝަނެއް މާލޭގައި ފަށައިފި

ޑްރަގްގެ ބޮޑު އޮޕަރޭޝަނެއް ފުލުހުން މާލޭގައި މިރޭ ފަށައިފިއެވެ.

ފުލުހުން މައުލޫމާތު ދެއްވާފައިވާ ގޮތުގައި މަސްތުވާތަކެއްޗާ ދެކޮޅަށް ފުލުހުން ފެށި މި އޮޕަރޭޝަން މިރޭ ކުރިއަށް ދަނީ ސޯސަންމަގުގައެވެ.

މި އޮޕަރޭޝަނާ ގުޅޭ އިތުރު މައުލޫމާތު ފަހުން ދެއްވާނެ ކަމަށް ވެސް ފުލުހުން ވިދާޅުވިއެވެ.

އެނގިފައިވާ ގޮތުގައި ފުލުހުންގެ މި އޮޕަރޭޝަންގެ ދަށުން ސޯސަން މަގުން ޕިކަޕެއް ހުއްޓުވައި، އޭގައިވާ ބައެއް ތަކެތި ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.