ނިރުބަވެރި ހަމަލާއެއް ދޭން އުޅުނު ކަމުގެ ތުހުމަތުގައި އައްޑޫން ބަޔަކު ހައްޔަރުކޮށްފި

ނިރުބަވެރި ހަމަލާއެއް ދޭން އުޅުނު ކަމުގެ ތުހުމަތުގައި އައްޑޫން ބަޔަކު ހައްޔަރުކޮށްފިއެވެ.

ފުލުހުންގެ މީޑިއާ އޮފިޝަލަކު ވިދާޅުވީ ނިރުބަވެރި އަމަލެއް ހިންގަން އުޅުނުކަމުގެ ތުހުމަތުގައި އައްޑޫން ބަޔަކު މިއަދު ހައްޔަރު ކޮށްފައިވާ ކަމަށެވެ. އަދި މިކަމާ ގުޅިގެން ބަލަން ޖެހޭ ކަންކަން ފުލުހުން ބައްލަވަމުން ގެންދާ ކަމަށް ވެސް ވިދާޅުވިއެވެ. ނަމަވެސް ހައްޔަރުކުރީ ކިތައް މީހުން ކަމެއް ފުލުހުން ހާމައެއް ނުކުރައްވައެވެ.

"ދެން"އަށް މައުލޫމާތު ގޮތުގައި މި މައްސަލައިގައި ނުވަ މީހަކު ހައްޔަރުކޮށްފައި ވެއެވެ.

އައްޑޫން ބަޔަކު ހައްޔަރަށް ގެންގޮސްފައިވާ މި ދަނޑިވަޅުގައި ރަސްމީ ދަތުރުފުޅެއްގައި ސަރުކާރުގެ ބައެއް އިސްބޭފުޅުންނާ އެކު ރައީސުލްޖުމްހޫރިއްޔާގެ ދެކަނބަލުން މި ވަގުތު ތިއްބެވީ އައްޑޫ ސިޓީގައެވެ.