އެމްއާރްއެމްގެ އޮޑިޓް ރިޕޯޓު ހުށަހަޅައިފި

ސިޔާސީ ޕާޓީގެ ޤާނޫނުގައިވާ ގޮތުގެ މަތިން، މޯލްޑިވްސް ރީފޯމް މޫވްމަންޓް (އެމްއާރްއެމް)އިން އެ ޕާޓީގެ އަހަރީ ރިޕޯޓާއި އޮޑިޓް ރިޕޯޓު އިލެކްޝަންސް ކޮމިޝަން (އީސީ)އަށް މިއަދު ހުށަހަޅައިފިއެވެ.

އެމްއާރްއެމްއިން މިއަދު ބުނީ، ސިޔާސީ ޕާޓީތަކުގެ ޤާނޫނު ނަންބަރު 4/2013ގެ ދަށުން އިލެކްޝަންސް ކޮމިޝަނަށް ހުށަހަޅަން ޖެހޭ އެ ޕާޓީގެ 2021ވަނަ އަހަރުގެ އަހަރީ ރިޕޯޓާއި އޯޑިޓް ރިޕޯޓް ރޭ ބޭއްވި ބައްދަލަވުމުގައި އެމްއާރްއެމްގެ އެގްޒެކެޓިވް ކޮމިޓީން ފާސްކޮށް އީސީއަށް މިއަދު ހުށަހަޅައިފައިވާ ކަމަށެވެ.

https://twitter.com/MRM_Office/status/1509508445241999369?s=20&t=lpb-Abo20TAW5iVp3zWdLg

އެމްއާރުއެމްއިން ދަނީ ޕާޓީގެ މެމްބަރޝިޕް އިތުރުކުރުމުގެ ޙަރަކާތެއް ވެސް ކުރިއަށް ގެންދަމުންނެވެ. އެގޮތުން 3000 މެމްބަރުން ހަމަނުވާ ޕާޓީތަކަށް މެމްބަރުން ހަމަކުރަން އީސީން ދެއްވި ފުރުސަތުގައި އެ އަދަދަށް މީހުން ހަމަކުރެވޭނެ ކަމަށް އެ ޕާޓީން ބުނެފައި ވެއެވެ.