ޚަބަރު ހުސްވެފައި އޮއްވައި ހުޅުމާލޭ މޫދުން ފެނުނު މީހާއަށް ފަރުވާދީދޫކޮށްލައިފި

ޚަބަރު ހުސްވެފައި އޮއްވައި ހުޅުމާލެ މޫދުން ފެނުނު މީހަކަށް ފަރުވާ ދިނުމަށް ފަހު ދޫކޮށްލައިފިއެވެ.

ފުލުހުންގެ މީޑިއާ އޮފިޝަލަކު ވިދާޅުވީ ރޭ މެންދަމުގެ ވަގުތެއްގައި، ހުޅުމާލެ މޫދުން ޚަބަރު ހުސްވެފައި އޮތް ދިވެހި ފިރިހެނަކު ފެނިފައިވާ ކަމުގެ މައުލޫމާތު ލިބިފައިވާ ކަމަށެވެ.

އެ މީހާއަށް ހޮސްޕިޓަލުގައި ފަރުވާ ދިނުމަށް ފަހު މިހާރު އާއިލާއާ ހަވާލު ކޮށްފައިވާ ކަމަށް ވެސް ފުލުހުން ވިދާޅުވިއެވެ.

ޚަބަރު ހުސްވެގެން މޫދަށް ވެއްޓުނު އެ މީހާ، ދެ ފުލުހަކު ވެގެން މޫދުން ނަގާ މަންޒަރު ދައްކުވައިދޭ ވީޑިއޯއެއް މިހާރު މީސް މީޑިއާގައި ދަނީ ދައުރުވަމުންނެވެ.

މި ހާދިސާއާ ގުޅޭ އިތުރުން އެއްވެސް މައުލޫމާތެއް އަދި ލިބިފައެއް ނުވެއެވެ.