އޭސީސީގެ ބެކްލޮގްގައި 1،673 މައްސަލަ
އެންޓި ކޮރަޕްޝަން ކޮމިޝަން (އޭސީސީ)ގައި މިވަގުތު ބެކްލޮގްގައި މިވަގުތު 1،673 މައްސަލަ އެބައޮތް ކަމަށް އެ ކޮމިޝަނުން ހާމަކޮށްފިއެވެ.
މަގާމުގެ މަސްއޫލިއްޔަތާ ހަވާލުވުމަށް ފަހު ބޭއްވި ފުރަތަމަ ނޫސްވެރިންގެ ބައްދަލުވުމުގައި ކޮމިޝަނުގެ މެމްބަރުން ވިދާޅުވީ، އެ ކޮމިޝަނަށް ހުށަހަޅާ މައްސަލަތައް ރަޖިސްޓްރީކުރުމާ މެދު ސީދާ ރެޖިސްޓްރާ ގޮތް ނިންމަވާ ގޮތަށް ހަދަން މިހާރު ނިންމައުފައިވާ. ކަމަށެވެ. އަދި ވިދާޅުވީ އެ ކޮމިޝަނުގެ މެމްބަރު ތޯހާ މުހައްމަދު ވިދާޅުވީ، ބެކްލޮގުގައި ހުރި މައްސަލަތައް މަދުކުރެވޭނީ ރެޖިސްޓްރޭޝަން މަރުހަލާ ހަރުދަނާކޮށްގެން ކަމަށެވެ.
ތޯހާ ވިދާޅުވީ، ބެކްލޮގްގައި މިވަގުތު އޮތް 1،673 މައްސަލައިގެ ތެރޭގައި ހިމެނެނީ އިވޭލުއޭޝަން މަރުހަލައިގައި 549 މައްސަލައާއި ތަހުގީގު މަރުހަލާގައި 1،124 މައްސަލަ ކަމަށެވެ.
ބެކްލޮގްގެ ތެރެއިން އެންމެ ގިނަ މައްސަލަތަކަކީ ޕްރޮކިއުމަންޓާއި ވަޒީފާއާ ގުޅުން ހުރި މައްސަލަތަކެވެ. އެ މައްސަލަތަކުގައި ގިނައިން ހިމެނެނީ އިދާރީ ގޯސްތަކެވެ.
