މަރުގެ ހުކުމް ތަންފީޒުކުރުމުގެ ސިޔާސަތަކީ ކޮބައިތޯ ބެލުމަށް ހުށަހަޅައިފި

މި ސަރުކާރުން މަރުގެ ހުކުމް ތަންފީޒު ކުރުމުގެ ސިޔާސަތު އޮތް ގޮތެއް ސާފުކުރުމަށް ހޯމް މިނިސްޓަރ އިމްރާނާ ސުވާލު ކުރެއްވުމަށް މައްސަލައެއް މަޖިލީހަށް ހުށަހަޅައިފިއެވެ.
މި މައްސަލަ ހުށަހަޅައިފައި ވަނީ އިދިކޮޅު ޕީޕީއެމްގެ މެމްބަރު މަހިބަދޫ ދާއިރާގެ މެމްބަރު އަހުމަދު ތޯރިޤުއެވެ.
ތޯރިޤް ވިދާޅުވީ މަރުގެ ހުކުމް ތަންފީޒު ކުރުމާ މެދު މި ސަރުކާރުގެ ސިޔާސަތަކީ ކޮބައިތޯ ބެލުމަށް، ހޯމް މިނިސްޓަރ އިމްރާން ރައްޔިތުންގެ މަޖިލީހަށް ހާޒިރުކުރުމަށް ހުށަހަޅައިފައިވާ ކަމަށެވެ. އަދި ރަމަޟާން މަހުގެ ފަހު 10ގެ ތެރޭގައި އެޖެންޑާ ކުރައްވާނެކަމަށް އެދިލައްވާ ކަމަށް ތޯރިޤް ވިދާޅުވިއެވެ.
https://twitter.com/ahmedthaariq/status/1511356548890517516?s=21&t=t_Pgf5dn3HMAcICHrAFDMw
ތޯރިގު ހުށަހެޅުއްވި ނޯޓިސްގައި ވަނީ ދިވެހިރާއްޖޭގެ ސުޕްރީމް ކޯޓުން މަރުގެ ޙުކުމް ކޮށްފައިވާ ފަރާތްތަކުގެ ތެރެއިން ޙުކުމް ތަންފީޒުކުރުމަށް އިސްލާމީ ޝަރީޢަތުގައިވާ ގޮތުގެ މަތިން ހުރައިހާ އިޖުރާޢަތްތަކެއް ފުރިހަމަވާ ޤައިދީންގެ މައްޗަށް މަރުގެ ޙުކުމް ތަންފީޒު ކުރުމާ މެދު މި ސަރުކާރުގެ ސިޔާސަތަކީ ކޮބައިތޯ ސުވާލުކުރައްވައިފައެވެ. މީގެ އިތުރުން އެފަދަ ފަރާތްތަކުގެ ޙުކުމް މިސަރުކާރުން ތަންފީޒު ކުރާނެތޯ ވެސް ތޯރިގް ވަނީ ސުވާލުކުރައްވައިފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.