އަނެއްކާ ވެސް 60 ދޫނި ހިފަހައްޓައިފި
ގަވާއިދާ ޚިލާފަށް ރާއްޖެއަށް އެތެރެ ކުރި 60 އެފްރިކަން ގްރޭ ހިފަހައްޓައިފިއެވެ.
ނަން ހާމަ ނުކުރުމަށް އެދި “ދެން”އަށް މައުލޫމާތު ދިން މީހަކު ބުނީ އެ ދޫނިތައް ހިފަހައްޓައިފައި ވަނީ އިއްޔެގެ ވަގުތެއްގައި ކަމަށެވެ. އެ ދޫނިތަކަށް ހަދާނެ ގޮތެއް އަދި ނިންމައިފައި ނުވާ ކަމަށާއި “އޮޕްޝަންއަކަށް އޮންނާނީ މަރައިލުން” ކަމަށް އޭނާ ބުންޏެވެ.
“އިއްޔެ ހިފެހެއްޓީ 60 ދޫނި. އެއީ އެފްރިކަން ގްރޭ. އެފްރިކަން ގްރޭއަކީ އެތެރެކުރުން މަނާ އެއްޗެއް. އެ ދޫނިތަކަށް ހަދާނެ ގޮތެއް އަދި ނުނިންމައި. މަރައިލުންން އޮޕްޝަންއަކަށް އޮންނާނީ” އޭނާ ކިޔައިދިނެވެ.
މި އަހަރުގެ ފެބްރުއަރީ މަހުގެ ތެރޭގައި ވެސް ގަވާއިދާ ހިލާފަށް ރާއްޖެއަށް އެތެރެ ކުރި ދޫނިތަކެއް ވަނީ ހިފަހައްޓައިފައެވެ. އެ ދޫނިތައް ހިފެހެއްޓުމަށް ފަހު ފިޝަރީޒް މިނިސްޓްރީން ވަނީ އެ ދޫނިތައް މަރައިލައިފައެވެ.
ދޫނިތައް މެރުމާ ގުޅިގެން ފިޝަރީޒް މިނިސްޓްރީއާއި ބަންޑާރަނައިބުގެ އޮފީހާ ދެމެދު ވަނީ ދެބަސްވުންތަކެއް ވެސް ކުރިމަތިވެފައެވެ. އެގޮތުން ދޫނިތައް ނައްތައިލާން ފިޝަރީޒް މިނިސްޓްރީއަށް އަމުރުކުރީ ބަންޑާރަނައިބު ކަމަށް އެ މިނިސްޓްރީއާ ހަވާލާދީ މީޑިއާތަކުން ރިޕޯޓުކޮށްފައިވެއެވެ. ނަމަވެސް އެކަން ބަންޑާރަނައިބުގެ އޮފީހުން ވަނީ ދޮގުކޮށްފައެވެ.
ލޮނުޒިޔާރަށްކޮޅު ޕާކުގައި ނޫނީ އައްޑޫ ނޭޗާޕާކުގައި މިކަހަލަ(ގަވާއިދާއި ހިލާފަށް ގެންނަ) ދޫނި ގެންގުޅޭ މާސިންގާ ކޮއްޓެއް ތައްޔާރު ކޮއް އެތާގަ މިމަރާނުލާ ގެންގުޅެން ގޮވާލަން…
ދޫނި މަރާކަށް ނުޖެހޭ.
ކީއްވެ މަނާވަނީ؟ މަނާވާ ގޮތެއް ބުނެ ދީ ބަލަ؟ އެއީ އިންސާނުން ގެ މަސް ކާ ދޫންޏެއް ތަ؟