ކޮވިޑް-19: އެންމެ 90 މިނެޓު ތެރޭ ނަތީޖާ ލިބޭ އާޓެސްޓުތަކެއް އިނގިރޭސިވިލާތުން!
ކޮވިޑް-19 ޖެހިފައިތޯ ނުވަތަ އާދައިގެ ރޯގާއެއް ޖެހިފައިތޯ ބެލުމަށް ސާމްޕަލް ނަގާ، އެންމެ 90 މިނެޓު (ދޮޅު ގަޑިއިރު) ތެރޭ ނަތީޖާ ދައްކުވައިދޭ އައު ޓެސްޓުތަކެއް އިނގިރޭސިވިލާތުން އުފައްދަމުން އެބަދެއެވެެ.
ބީބީސީން ބުނެފައިވަނީ ކޮރޯނާ ވައިރަސްތޯ ނުވަތަ އާދައިގެ ރޯގާއެއްތޯ ބެލުމަށް ހެދޭ އެޓެސްޓުތައް އަންނަ ހަފްތާ ތެރޭގައި ހޮސްޕިޓަލު ތަކަށާއި ކެއާރ ސެންޓަރުތަކަށް ނެރުމުގެ މަސައްކަތް އިނގިރޭސިވިލާތުގެ ސަރުކާރުން ކުރަމުން އަންނަ ކަމަށެވެ.
އެޤައުމުގެ ސަރުކާރުން ބުނެފައިވާ ގޮތުގައި ވަގުތުން ވަގުތަށް ހެދި ނަތީޖާ ވެސް ލިބޭ އެޓެސްޓުތައް ކުރިއަށް އޮތް ފިނިމޫސުމުގައި ވަރަށް ބޭނުންތެރި ވާނެއެވެ.
މިހާރު ހެދޭ ޓެސްޓުތަކުގެ ނަތީޖާ ލިބެން އެންމެ މަދުވެގެން 24 ގަޑިއިރު ނަގައެވެ.
އަލަށް މިފަދަ ޓެސްޓުތަކެއް އީޖާދު ކުރުމުގެ މަސައްކަތް ފެށިފައިވަނީ، އިނގިރޭސިވިލާތުގެ ސިއްޙީ ޚިދުމަތްތެރީން ކޮންމެ ދުވަހަކު ވެސް ޓެސްޓު ކުރުމަށް މިދިޔަ މަހު ނިންމި ނިންމުމާއި ގުޅިގެން ކަމަށް ވެސް އެޤައުމުގެ ސަރުކާރުނަ ވަނީ ބުނެފައެވެ.
"ލެމްޕޯ" ނަމަކަށް ކިޔާ މިޓެސްޓުތައް ހެދުމުގެ ޚިދުމަތް ކެއާރ ސެންޓަރުތަކުގެ ލެބޯޓަރީތަކުންނާއި އެހެނިހެން ސިއްޙީ ޚިދުމަތްދޭ ތަންތަނުން ލިބެން ހުންނާނެކަމަށް ވެސް ބުނެފައިވެއެވެ.
