ބަރަހަނާ ވެގެން މޫދުގައި އޮއްވާ ހައްޔަރު ކުރި ޒިޔާދު އަނެއްކާ ވެސް ދޫކޮށްލައިފި
ހަތިމަކަށް ކުޅުޖަހައި މިސްކިތަކަށާއި ރައީސް އޮފީސް ދޮރުމައްޗަށް ކުޑަކަމުގޮސްގެން މީގެ ކުރިން ދެ ފަހަރެއްގެ މަތިން ހައްޔަރުކުރި، ހ. ޝޭޑީހޯމް/ ހަސަން ޒިޔާދު ބަރަހަނާ ހާލުގައި އޮއްވައި ހައްޔަރުކުރުމަށް ފަހު ދޫކޮށްލައިފިއެވެ.
އާންމު މަސްލަހަތަށް ގެއްލުން ހުރި އަމަލެއް ކުރުމުގެ ތުހުމަތުގައި ޒިޔާދު ހައްޔަރުކުރީ އޭޕްރިލް 21ވަނަ ދުވަހުގެ ރޭ މަސްވެރިންގެ ޕާކް ސަރަހައްދުގައި ބަރަހަނާ ހާލުގައި މޫދުގައި އޮއްވައެވެ.
މިމައްސަލައިގައި އޭނާގެ ބަންދާ މެދު ގޮތެއް ނިންމަން ކްރިމިނަލް ކޯޓަށް ހާޒިރުކުރުމުގެ އޭނާގެ ބަންދަށް 15 ދުވަސް ދީފައި ވެއެވެ. ނަމަވެސް ބަންދުގެ މުއްދަތު ހަމަވުމުން ފުލުހުން ވަނީ ހަސަން ކޯޓަށް ހާޒިރުނުކޮށް ދޫކޮށްލާފަ އެވެ.
އޭނާ ބަންދުކުރަން ކޯޓުން ކުރި އަމުރުގައި ބުނެފައި ވަނީ، ކުށުގެ ތުހުމަތު ކުރެވޭ މިންވަރަށް ހެކި ހުށަހަޅާފައިވާ ކަމަށާއި އަދި އޭނާ ބަންދުކުރަނީ މުޖުތަމައުގެ ސަލާމަތާއި ރައްކާތެރިކަމަށް ޓަކައި ކަމަށެވެ.
Ads by STO
