ކޯލިޝަން ލީޑަރުން ގުޅިގެން ރައީސް ޞާލިޙާ އެކު ގައުމަށް ހެޔޮ ގޮތް ހޯދޭނެ: އިމްރާން
ކޯލިޝަންގެ ލީޑަރުން ގުޅިގެން ރައީސް އިބްރާހިމް މުހައްމަދު ޞާލިޙާ އެކު ގައުމަށް ހެޔޮ ގޮތް ހޯދޭނެކަމަށް ސަރުކާރު ކޯލިޝަންގައި ހިމެނޭ އަދާލާތު ޕާޓީގެ ރައީސް، ހޯމް މިނިސްޓަރ އިމްރާން އަބުދު ﷲ ވިދާޅުވެއްޖެއެެވެ.
އިމްރާން މިފަދައިން ވިދާޅުވީ އެމްޑީޕީ ޗެއާޕާސަންގެ އިންތިހާބު އިކޮނޮމިކް މިނިސްޓަރު ފައްޔާޒް އިސްމާއިލް ކާމިޔާބު ކުރެއްވުމާ ގުޅިގެން ކުރެއްވި ޓްވީޓެއްގައެވެ.
މިނިސްޓަރ ވިދާޅުވީ ބައެއް ހާލަތްތަކުގައި ސިޔާސީ ޕާޓީތަކުގެ އެތެރޭގެ މަސްލަހަތުތަކަކީ މުޅި ގައުމާއި ރައްޔިތުންނާ ގުޅުން ހުރި ކަންކަން ކަމަށެވެ. އަދި ކޯލިޝަން ލީޑަރުން ގުޅިގެން ރައީސް ޞާލިޙާ އެކު ގައުމަށް ހެޔޮ ގޮތް ހޯދޭނެ ކަމަށް އިމްރާން ވިދާޅުވިއެވެ.
"އިރާދަކުރެއްވިއްޔާ ރައީސް ސާލިޙާ އެކު ކޯލިޝަން ޕާޓީތައް އެކުގައި މަސައްކަތްކޮށް ގައުމާއި ރައްޔިތުންނަށް ހެޔޮ ގޮތްތައް ހޯދޭނެ،" ފައްޔާޒު ހޯއްދެވި ކާމިޔާބީއަށް މަރުހަބާ ވިދާޅުވެ އިމްރާން ވިދާޅުވިއެވެ.
އެމްޑީޕީ ޗެއާޕާސަން އިންތިހާބުގެ ނަތީޖާތައް ދައްކާގޮތުން މިނިސްޓަރު ފައްޔާޒް ވަނީ ޗެއާޕާސަންގެ އިންތިހާބު ބޮޑުތަނުން ކާމިޔާބު ކުރައްވައިފައެވެ. މި އިންތިހާބުގެ ވަގުތީ ނަތީޖާ ދައްކާ ގޮތުން، އިމްތިޔާޒުގެ މައްޗަށް ފައްޔާޒު ކުރި ހޯއްދެވީ 7،000އަށް ވުރެ ގިނަ ވޯޓުގެ ތަފާތަކުންނެވެ.
މުނާފިޤު ގޮލައެއްނު! މިއޮއް ހުރިހާ ދުވަހު ދުވީ އަންނި ފަހަތުން ގައުމު ގުޑުވަންށޭ ކިޔާފަ، އެކަމަކު އަންނި ފެކްޝަން ހަމަ ބަލި ވާއިރަށް އަވަހަށް އިބޫ ފަހަތަށް އައީ ނު
އިރާދަކުރެްވިއްޔާ 2023 ރައީސް ސޯލިޙް އަށް.