ރާއްޖެއިން ފެނުނު ފެހުރިއްސަކަށް ޑާޑިގެ ނަމުން ނަންދީފި

ރާއްޖޭގެ ޓެކްނޮލޮޖީގެ ދާއިރާގައި މަޝްހޫރު ޑިވެލޮޕަރު މަރުޙޫމް އަޙްމަދު ރިޔާޒީ މުހައްމަދު (ޑާޑި)ގެ ނަމުން ފެހުރިއްސަކަށް ނަންދީފިއެވެ.

ޑާޑި ނިޔާވެފައި ވަނީ މިއަހަރު ޖެނުއަރީ މަހު 23  ވަނަ ދުވަހުއެވެ. އޭނާ ނިޔާވެފައި ވަނީ ކަސްރަތު ކުރުމަށް ނިކުމެ އުޅެނިކޮށެވެ. ނިޔާވިއިރު ދިިރިއުޅެމުން ދިޔައީ މެލޭޝިއާގައެވެ.

ޑާޑި ނަން ދިނީ މިދިޔަ އަހަރުގެ ނޮވެމްބަރު އެއްވަނަ ދުވަހު ރާއްޖޭން ފެނުނު ފެހުރިއްސަކަށް ކަމަށް މޯލްޑިވްސް ވޭލް ޝާކް ރިސާޗުން ހާމަކުރެއެވެ.

ޑާޑިއަކީ ޓެކްނޮލޮޖީގެ ދާއިރާގައި ވަރަށް ފުންނާބު އުސް މީހެކެވެ. އޭނާގެ ހިތްހެޔޮކަމުން މިއަދު ވެސް ގިނަ ބަޔަކު އޭނާގެ ހަނދާންތައް އައުކުރެއެވެ.