316 ސިވިލް ސާވެންޓުން އިންޑިއާއިން ތަމްރީން ކޮށްފި
އިންޑިއާގެ ނޭޝަނަލް ސެންޓަރ ފޯ ގުޑް ގަވަރނަންސް (އެންސީޖީޖީ)އާއި މޯލްޑިވްސްގެ ސިވިލް ސާވިސަސް ކޮމިޝަނާ ގުޅިގެން ހިންގާ ތަމްރީންތައް 316 ސިވިލް ސާވެންޓުން ފުރިހަމަކޮށްފިއެވެ.
މިއީ ޖޫން 2019ގައި އިންޑިއާގެ ބޮޑު ވަޒީރު ރާއްޖެއަށް ކުރެއްވި ދަތުރުފުޅުގައި ސޮއިި ކުރެވުނު އެމްއޯޔޫގެ ދަށުން ކުރިޔަށް ގެންދާ ޕްރޮގްރާމްތަކެވެ. 2022ވަނަ އަހަރުގެ މެއި މަހުގެ ނިޔަލަށް ރާއްޖޭގެ 316 ސިވިލް ސާވަންޓުން ވަނީ ތަމްރީން ހޯދައިފައެވެ.
މިގޮތުން އެންމެ ތަމްރީން ހޯދި އެންމެ ފަހު ބެޗް މި މަހު ކުރީ ކޮޅު އިންޑިއާއަށް ވަނީ ޒިޔާރަތްކޮށްފައެވެ. އެއީ އެޑްމިނިސްޓްރޭޝަންގެ ދާއިރާއިން ކަސްޓަމައިޒްޑް ކެޕޭސިޓީ ބިލްޑިންގ ޕްރޮގްރާމަށެވެ. މި ޕްރޮގްރާމުގައި 40 މުވައްޒިފުން ބައިވެރިވިއެވެ.
މި ޕްރޮގްރާމްގައި ސިވިލް ސާވެންޓުންނަށް ތަފާތު ޕްރޮގްރާމްތައް ވަނީ ހިންގައިފައެވެ. މިގޮތުން އެ ފަރާތްތަކުގެ ކްލާސްތައް ނަގައިދީފައި ވަނީ ފުންނާބު އުސް ތަޖުރިބާކާރުންނެވެ. އަދި ސިވިލް ސާވިސަސް އެންޑް ގުޑް ގަވަރނަންސްގައި ލީޑަރޝިޕްގެ މުހިންމުކަމާއި ސްމާޓް ސިޓީ އެންޑް އާބަން ހައުސިންގ ފަދަ ދާއިރާތަކުގެ މަޝްވަރާތައް ވަނީ ކުރެފިއެވެ.
މި ޕްރޮގްރާމުގައި ލޯކަލް ކައުންސިލްތަކުން ސިވިލް ސާވަންޓުން ވެސް ވަނީ ބައިވެރިވެފައެވެ. މިކަމުން ލޯކަލް ގަވަރނަންސް ބޮޑީތަކުގެ ކެޕޭސިޓީ ބިލްޑިންގއަށް ވެސް މަގުފަހިވެގެންދާނެއެވެ. އަދި ސަރުކާރުގެ ލާމަރުކަޒީ މަސައްކަތަށް މިކަމުން ފައިދާ ކުރާނެއެވެ.
ފަސް އަހަރުގެ ތެރޭގައި 1،000 ސިވިލް ސާވިސް މުވައްޒިފުން އިންޑިއާއިން ތަމްރީން ކުރާނެއެވެ.
