ސުލްތާން ފަހަށް ރައްކާކުރި ފައިސާއިން ހިނަވާގެއެއް!
އިންޑިއާގެ ނޭޝަނަލް ޑިފެންސް އެކެޑެމީގައި ތަމްރީން ހަދަމުން ދަނިކޮށް ކުއްލި ގޮތަކަށް ނިޔާވި އެމްއެންޑީއެފްގެ ލާންސް ކޯޕްރަލް މުޙައްމަދު ޞުލްޠާންގެ ހަނދާނުގައި ހިނަވާގެއެއް އަޅައިފިއެވެ.
އއ. ހިމަންދޫގައި އަލަށް އެޅި މި ހިނަވާގޭގެ މަސައްކަތްކޮށްފައި ވަނީ ސިފައިންގެ ވަޒީފާގައި ސުލްތާން ހޭދަކުރި މުއްދަތުގައި އޭނާ ޖަމާކޮށްފައިވާ ފައިސާއިންނެވެ.
ސުލްތާންގެ މަންމައާއި ބައްޕަ މިއަދު ވަނީ ހިނަވާގެ ރަސްމީކޮށް ބޭނުން ކުރަން އެ ތަން ކައުންސިލާ ހަވާލުކޮށްފައެވެ.
އއ. ހިމަންދޫއަށް ނިސްބަތްވާ ސުލްތާނަކީ އޭނާގެ މައިންބަފައިންގެ ހުރި ހަމަ އެކަނި ފިރިހެން ދަރިއެވެ. އޭނާއަކީ އަބަދުވެސް ވަރަށް ބަސްއަހާ، ކިޔަމަންތެރި އަދި އެންމެންނާ ވެސް ގުޅޭ ނުހަނު އެކުވެރި މިޒާޖެއްގެ ވެރިއެއްކަން، ސުލްތާން ދަންނަ އެންމެން ފާހަގަ ކުރެއެވެ.
ސުލްތާން ނިޔާވީ ނޭޝަނަލް ޑިފެންސް އެކެޑެމީގެ, ކޭމްޕް ގްރީން ޒޯންގައި އޮތް އެންޑިއުރެންސް ރަންއެއް ފުރިހަމަ ކުރަން އުޅުމުގެ ތެރޭގައެވެ. އެ ދުވުމުގެ ތެރޭގައި ސުލްތާން ވެއްޓުމުން ވަގުތުން އެމަޖެންސީގައި ހޮސްޕިޓަލަށް ގެންގޮސްފައިވާ ކަމަށާއި ހޮސްޕިޓަލަށް ގެންދެވުނު އިރު ވެސް ސުލްތާން ނިޔާވެފައިވާ ކަމަށް އެމްއެންޑީއެފުން މަޢުލޫމާތު ދީފައިވެއެވެ.
ސުލްތާން ނިޔާވީ ސެޕްޓެންބަރު 25، 2021ގައެވެ. ޖަނާޒާ ކުރިއަށް ގެންގޮސްފައި ވަނީ އަސްކަރީ ޝަރަފާ އެކުގައެވެ.
މާތްﷲ ސުލްތާންގެ ފާފަ ފުއްސަވާ ޖަންނަތުލް ފިރްދައުސް ގެ މަތިވެރި ނިޢުމަތް މިންވަރު ކޮށްދެއްވުން އެދި ދުޢާކުރަން އަދި އާއިލާއިން އެކުރި މަސަތްކަތުގައި ބަރަކާތްލައްވާ އާއިލާއަށް ފާފަފުއްސެވުން އެދި ދުއާކުރަން
އާމީން
އާމީން