"އިންޑިއާ އައުޓް" ބެނާ ބަލާ ފުލުހަށް!
އިދިކޮޅު ލީޑަރ އަދި ކުރީގެ ރައީސް ، ރައީސް ޔާމީން އަބްދުލްގައްޔޫމްގެ ގެކޮޅު ހ. ދޫވެހިގޭގައި ދަމައިފައި ހުރި "އިންޑިއާ އައުޓް" ބެނާ ނެގުމަށް ކްރިމިނަލް ކޯޓުން ނެރެދިން އަމުރު ގާނޫނާ ހިލާފު ކަމަށް ކަނޑައަޅައި އެ އަމުރު ހައިކޯޓުން ބާޠިލުކުރުމާ ގުޅިގެން އެ ބެނާ ބަލައި އިދިކޮޅުން ފުލުހަށް ގޮސްފިއެވެ.
އެ ބެނާ ބަލާ ވަޑައިގެންފައި ވަނީ އިދިކޮޅުގެ ހަރަކާތްތަކުގެ ކޮމިޓީގެ ޗެއަރ އަދި ހޯރަފުށީ ދާއިރާގެ ކުރީގެ މެންބަރު މުޙައްމަދު އިސްމާއިލާއި ޕީޕީއެމްގެ އިސްސަފުގައި ހަރަކާތްތެރިވެވަޑައިގަންނަވާ ބައެއް ބޭފުޅުންނެވެ. އިންޑިއާ އައުޓް ހަރަކާތް ހިންގާތީ މުޙައްމަދު އިސްމާއީލް ވަނީ މީގެ ކުރިން ދެ ފަހަރެއްގެ މަތިން ހައްޔަރުކޮށްފައެވެ.
ބެނާ ބަލައި ދިޔަ ނަމަވެސް ފުލުހުން އެ ބެނާ ދިންކަމެއް ނުވަތަ ނުދޭކަމެއް އަދި ސާފެއް ނުވެއެވެ.
ހ.ދޫވެހީގައި ހަރުކުރި "އިންޑިއާ އައުޓް" ބެނާ ކްރިމިނަލް ކޯޓުގެ އަމުރެއްގެ ދަށުން މިދިޔަ މަހު ފުލުހުން ގެންދިޔައީ އާންމު މަސްލަހަތަށް ގެއްލުންވާ ފަދަ އަމަލެއް ކުރާކަމުގެ ތުހުމަތުގައެވެ. އެ އަމުރު އިސްތިއުނާފު ކުރަން ހުށަހެޅުއްވީ ޔާމީންގެ ފަރާތްޕުޅުންނެވެ.
ކްރިމިނަލް ކޯޓުގެ އަމުރު ހައި ކޯޓުގެ ތިން ފަނޑިޔާރުންގެ އިއްތިފާގުން ބާތިލް ކުރެއްވީ މައިގަނޑު ދެ ސަބަބެއްގެ މައްޗަށް ބިނާކޮށެވެ. އެއީ ކޯޓު އަމުރު ނެރެދޭން ޖެހޭ އެކަށީގެންވާ ސަބަބެއް އޮތް ކަމަށް ކްރިމިނަލް ކޯޓުގެ އަމުރުގައި ނިންމި ނިންމުމަށް ވާސިލްވި ސަބަބެއް އެނގެން ނެތުމާއި ބެނާ ނެގުމަށް ފުލުހުން ތުހުމަތުކުރި ކުށާއި ފުލުހުން އަމަލުކުރި ގޮތުގެ މައްސަލައެވެ.
ސިޔާސީ މީހުނާއި، ސިޔާސީ ހަރަކާތް:
އިސްލާމީ ގައުމު ތަކާއި އިސްލާމީ ދައުލަތި ސިޔާސީ މީހުން ނުތިބޭނެ ދައުލަތުގައި ތިބޭނީ ދައުލަތުގެ މާލިއްޔަތުން މުސާރަދޭ ދައުލަތުގެ މުވައްޒަފުން އެގޮތުން ރައީސް ވަޒީރު ޤާޒީން މުސްތަޝާރުން މުޝީރުން ޑޮކްޓަރުން ނަރުހުން ޓީޗަރުން އަދި އެނުން ދައުލަތުގެ މުވައްޒަފުން .
ސިޔާސީ ހަރަކާތަކީވެސް އިސްލާމީ ދައުލަތުގައި އޮންނަ އެއްޗެއްނޫން ރައްޔިތުން ކަންކަމުގައި ހިޔާލު ފާޅުކޮށް މަޝްވަރާކުރުން އޮންނަނީ އެކަން ކޮންމެ ރައްޔިތަކަށްވެސް ކުރެވިދާނެ، މިހާރަކަށް އައިސް ސިޔާސީ މީހުންނޭ ކިޔައިގެން މިއުޅޭ މީހުންނަކީ ހަޤީޤަތުގައި ރައްޔިތުންނަށް އޮޅުވާލައިގެން ދައުލަތުގެ މާލިއްޔަތު ލޫޓުވަން އުޅޭ ވަފާތެރި ކެހިވެރި ޗޯރުން ! މިމީހުންގެ ކަމަކީ ރިބާ ބޭންކާއި ،ޓެކުސް ނަގައިގެން ރައްޔިތުން ފެލާލައިގެން މިމީހުންގެ ޖީބު މުއްސަދި ކުރުން !
ވީހާވެސް އަވަހަކަށް އެމީހެއްގެ ހައްގު އެމީހަކަށް ލިބިދޭން ޖެހޭނެ، ތި ބެނާ ނެގި މީހުން ތި ބެނާ ރައްދުކޮށްދޭން ޖެހޭނެ، މި ސަރުކާރަށް އެނގޭ ކަމަކީ މީހުނެގެ ހައްގުތައް ފޭރުން، މީހުންގެ ހައްގުތައް ހޯދާދޭކަށް ނޭގޭނެ، ނުދީހިފެހެއްޓީމާ ދެން ޖެހޭނީ ބަލައިދާންތާ!! ކޮންމެއަކަސް ތީ ހޯދަންޖެހޭނެ އެއްޗެއް،
މި ކޮން ކަހަލަ ސަރުކާރެއްތަ..ހަރާމް ވިޔަފާރި އާ ކަންކަން ކުރުން ނޫން ކަންތައް ކުރަން ނޭނގޭ… ލޯނުގަ ރިބާ، އިންޓްރެސްޓް ދޭއިރު ރިބާ… ސަރުކާރުންނާ ހެދި އަހަރުމެންނައް ވެސް ކެވެނީ އަލިފާން